Jeremiah 5:22 - Yn Vible Casherick 1775 1819

²² Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Jeremiah 5:22 ပူးပေါင်းရင်းမြစ်များ

Genesis 1:9

As dooyrt Jee, Lhig da ny ushtaghyn fo yn aer ve er nyn jaglym cooidjagh gys un voayl, as lhig da’n thalloo chirrym cheet rish; as shen myr ve.

1 Reeaghyn 13:28

As jimmee eh, as hooar eh yn corp echey ny lhie er y raad, as yn assyl as y lion nyn shassoo liorish y chorp: cha row’n lion er n’ee yn corp, ny er raipey yn assyl.

Lioar Yob 26:10

T’eh er hoiaghey cagliagh da ny ushtaghyn, derrey ta’n laa as yn oie cheet dy cheilley.

Lioar Yob 37:24

Shen-y-fa ta deiney goaill aggle roish: cha vel eh soiaghey jeh dooinney erbee ta creeney ayns e smooinaghtyn hene.

Lioar Yob 38:8

Ny quoi ren yn aarkey y yeigh seose lesh dorryssyn, tra vrish eh magh myr oikan ass y vreïn?

Psalmyn 104:9

T’ou er hoiaghey ny cagliaghyn oc nagh jed ad harrish: ny chyndaa reesht dy choodaghey yn thalloo.

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Psalmyn 33:7

T’eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee.

Psalmyn 46:3

Ga dy jinnagh ny ushtaghyn echey freaney as gatt: as ga dy jinnagh ny sleityn craa lesh dorrin y chooid cheddin.

Psalmyn 99:1

She yn Chiarn y Ree, lhig da’n pobble girree-magh myr sailliu: t’eh ny hoie eddyr ny cherubim ga dy vel y seihll cha anveagh.

Raaghyn Creeney 8:29

Tra hug eh da’n aarkey e oardaghey, nagh ragh ny ushtaghyn harrish e harey: tra hoie eh undinyn y thallooin:

Isaiah 50:2

Kys ve, tra haink mee, nagh row dooinney erbee? tra deïe mee, nagh ren fer freggyrt? Vel my laue cha giare shen, nagh voddym livrey? as nagh vel pooar aym dy hauail? cur-my-ner, ec my oghsan ta mee chyrmaghey seose yn aarkey, ta mee chyndaa ny awinyn gys faasagh: ta’n eeast oc breinnaghey laccal ushtey, as goll naardey ’sy chyrmid.

Isaiah 64:2

Myr tra ta’n aile lheïe as lostey, ta’n aile coyrt er ny ushtaghyn dy chloie; dy hoilshaghey dty ennym da dty noidyn, dy vod ny ashoonyn craa ec dty enish!

Isaiah 66:5

Clasht-jee rish goo yn Chiarn, shiuish ta craa ec y ghoo; dooyrt nyn mraaraghyn hug dwoaie diu, as hilg magh shiu er graih my ennym’s, Lhig da’n Chiarn v’er ny ghloyraghey: agh hig eshyn kionfenish gys y gherjagh euish, as bee adsyn er nyn naaraghey.

Jeremiah 10:7

Quoi nagh goghe aggle royd’s, O ree ny ashoonyn? son dhyt’s te cair: son wheesh as mastey ooilley deiney creeney ny ashoonyn, as ayns ooilley nyn reeriaghtyn, cha vel unnane erbee goll rhyt’s.

Jeremiah 2:19

Nee dty vee-chraueeaght hene uss y smaghtaghey, as nee dty chooyl-skyrraghtyn hene oo y gheyrey: toig er-y-fa shen, as gow tastey vie, dy vel eh ny red olk as sharroo dy vel oo er hreigeil yn Chiarn dty Yee, as nagh vel yn aggle aym’s aynyd, ta Chiarn ny sheshaghtyn flaunyssagh dy ghra.

Jeremiah 31:35

Myr shoh ta’n Chiarn gra, ta coyrt yn ghrian son soilshey ’sy laa, as oardaghyn yn eayst as ny rollageyn son soilshey ’syn oie, ta seiy seose yn aarkey tra ta ny tonnyn eck feiyral: ta Chiarn ny flaunyssee e ennym:

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Amos 4:12

Shen-y-fa, shoh myr neem’s rhyt, O Israel: as er-yn-oyr, dy jean-ym shoh rhyt, fow aarloo dy gholl quail dty Yee, O Israel.

Amos 9:6

She eshyn eh ta troggal e hiamyryn ard ayns niau, as t’er chiaddey earroo [e chretooryn] er y thalloo; eshyn ta geamagh son ushtaghyn ny marrey, as deayrtey ad magh er eaghtyr y thallooin: yn Chiarn yn ennym echey.

Jonah 1:16

Eisht ghow ny deiney aggle roish y Chiarn erskyn-towse, as ren ad breearrey dy hebbal oural da’n Chiarn.

Nahum 1:4

T’eh coyrt oghsan da’n vooir, as jannoo eh chirrym, as chyrmaghey seose ooilley ny awinyn: ta Bashan shymley ersooyl, as Carmel, as ta blaa Lebanon fioghey.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Noo Mark 4:39

As dirree eh, as smaghtee eh yn gheay, as dooyrt eh rish y faarkey, Gow fea, bee kiune: as ghow yn gheay fea, as va kiuney vooar ayn.

Noo Luke 12:5

Agh ver-yms raaue diu quoi roish ghoys shiu aggle: Gow-jee aggle roishyn, echey ta pooar, erreish da v’er varroo dy hilgey ayns niurin; dy jarroo ta mee dy ghra riu, Gow-jee aggle roishyn.

Deuteronomy 28:58

Mannagh bee oo imneagh dy chooilleeney ooilley goan y leigh shoh, ta scruit ’sy lioar shoh, dy vod aggle ’ve ort roish yn ennym gloyroil as agglagh shoh, YN CHIARN DTY YEE;

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.