Jeremiah 5:17 - Yn Vible Casherick 1775 1819

¹⁷ As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Jeremiah 5:17 ပူးပေါင်းရင်းမြစ်များ

Isaiah 62:8

Ta’n Chiarn er vreearrey liorish e laue yesh, as liorish niart e roih, Shickyr cha der-ym maghey shoh dty arroo dy ve beaghey da dty noidyn; chamoo nee yn chloan yoarree giu yn feeyn ayd’s t’ou er laboragh er y hon:

Isaiah 62:9

Agh adsyn t’er haglym eh nee gee jeh, as bannaghey yn Chiarn; as adsyn t’er hymsagh eh cooidjagh nee giu jeh ayns cooyrtyn my chasherickys.

Isaiah 65:22

Cha jean adsyn troggal, as fer elley cummal ayn; cha jean ad soiaghey, as fer elley gee jeh: son myr laghyn billey ta laghyn my phobble, as yiow my chloan reiht soylley beayn jeh obbyr nyn laueyn.

Jeremiah 1:15

Son cur-my-ner, neem’s geamagh er ooilley cummaltee reeriaghtyn y twoaie, ta’n Chiarn dy ghra; as hig ad, as nee ad soiaghey dagh fer jeu e stoyl-reeoil eddyr giattyn Yerusalem, as noi ooilley e voallaghyn cruin mygeayrt, as noi ooilley ard-valjyn Yudah.

Jeremiah 25:37

As ta ny ynnydyn-vaghee sheeoil lhieggit trooid jymmoose eulyssagh y Chiarn.

Jeremiah 4:26

Yeeagh mee, cur-my-ner, va’n cheer messoil ny aasagh, as va ooilley ny ard-valjyn echey lhieggit sheese kionfenish y Chiarn, as liorish eulys e yymmoose.

Jeremiah 4:7

Ta’n lion er jeet seose veih e cheyll, as ta stroider ny ashoonee er e raad; t’eh er n’gholl magh veih e oayll dy yannoo dty heer ny hraartys: as bee dty ard-valjyn er nyn goyrt naardey fegooish cummaltagh.

Jeremiah 5:18

Ny-yeih ayns ny laghyn shen, ta’n Chiarn dy ghra, cha jean-yms slane jerrey riu.

Jeremiah 50:17

Ta Israel ny cheyrrey chailjey; ta ny lionyn er n’eiyrt ersooyl eh: hoshiaght d’ee ree Assyria yn eill jeh, as ny lurg-syn ta ree Vabylon er chaigney e chraueyn.

Jeremiah 50:7

Quoi-erbee hooar ad, ren stroie ad: as dooyrt nyn noidyn, Cha vel shin ayns foill, son dy vel adsyn er n’yannoo peccah noi’n Chiarn, fendeilagh yn chairys; eer yn Chiarn, treishteil nyn ayraghyn.

Jeremiah 8:13

Ver-yms mow ad son shickyrys, ta’n Chiarn dy ghra: cha bee veg y vess er y villey-feeyney, ny figgyn er y villey-figgagh, as nee’n duillag fioghey; as nee’n chooid hug mee daue shymley ersooyl voue.

Jeremiah 8:16

Va stronneraght e chabbil er ny chlashtyn veih Dan; va’n slane cheer er-creau ec sheean shutternee e chabbil caggee; son t’ad er roshtyn, as er chur naardey yn cheer, as ooilley ny t’ayn: yn ard-valley as e cummaltee.

Dobberan 2:12

T’ad gra rish nyn moir, C’raad yiow mayd arran as feeyn? tra hie ad neeal myr guint ayns straïdyn yn ard-valley, tra gheayrt ad magh nyn annym ayns oghrish nyn moir.

Dobberan 2:2

Ta’n Chiarn er lhuggey seose ooilley cummaltee Yacob, cha row chymmey echey orroo: t’eh er cheau sheese ayns e eulys cashtallyn lajer inneen Yudah: t’eh er lhieggal ad kiart rish y thalloo: t’eh er n’yiooldey veih yn reeriaght as ny princeyn eck.

Ezekiel 36:4

Shen-y-fa shiuish sleityn Israel, clasht-jee goo yn Chiarn Jee, Myr shoh ta’n Chiarn Jee dy ghra, rish ny sleityn, as rish ny croink, rish ny awinyn, as rish ny glionteenyn, rish ny fadaneyssyn follym-faase, as rish ny ard-valjyn treigit, haink dy ve son spooilley as craid da’n chooid elley jeh ny ashoonee ta mygeayrt.

Hosea 2:12

As ver-ym naardey myrgeddin e biljyn-feeyney, as e biljyn-figgagh, my-nyn-gione t’ee er ghra, Ad shoh yn faill ta my gheiney-sooree er choyrt dou: as nee’m faasagh jeu, as bee ad son beaghey da maase y vagheragh.

Hosea 8:14

Son ta Israel er yarrood e er-croo, as troggal chiambleyn; as ta Judah er vishaghey ard-valjyn voallit: agh ver-yms aile er e ard-valjyn, as nee eh stroie nyn dhieyn reeoil.

Joel 2:3

Rhymboo ta aile stroie, as nyn gooyl ta yn lossey coyrt naardey: ta’n cheer myr garey Eden kiongoyrt roo, as nyn yeï faasagh follym-feayn, dy jarroo, as cha jean nhee erbee shaghney ad.

Leviticus 26:16

Shoh myrgeddin neem’s y yannoo riuish, ver-yms lhiam erriu atchim, consumption, as crayn-losht, ver naardey’n soilshey, as cur sneih er y chree; nee shiu cuirr nyn sheel ayns fardail, son nee nyn noidyn gee eh.

Zephaniah 3:6

Ta mee er yiarey jeh ny ashoonyn, ta ny tooryn oc treigit, ta mee er vrishey seose ny straidyn oc, nagh vel unnane dy haaghey ad: ta ny ard-valjyn oc er n’gholl naardey, myr shen nagh vel dooinney faagit ayndoo, ny cummaltagh er-mayrn.

Malachi 1:4

As son wheesh as dy vel Edom gra, Ta shin er nyn leodaghey, agh nee mayd chyndaa as troggal ny buill faasagh, myr shoh ta Chiarn ny flaunyssee dy ghra, Nee adsyn troggal, agh lhieg-yms sheese, as nee sleih genmys ad, Yn oayll dy vee-chairys, as, Yn pobble fo jymmoose y Chiarn son dy bragh.

Deuteronomy 28:33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh: