Jeremiah 5:12 - Yn Vible Casherick 1775 1819

¹² T’ad er chur breg er y Chiarn, as er ghra, Cha nee eh t’ayn, chamoo hig olk orrin, chamoo nee mayd cliwe ny genney y akin:

Jeremiah 5:12 ပူးပေါင်းရင်းမြစ်များ

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Psalmyn 10:6

Son t’eh er ghra ayns e chree, Cha n’aggle dou, cha bee’m dy bragh er my hilgey sheese: cha daghyr skielley erbee my raad.

Psalmyn 14:1

Ta’n ommydan er ghra ayns e chree: Cha vel Jee erbee.

Raaghyn Creeney 30:9

Er-aggle dy bee’m lane as dy jarrood-ym oo, gra, Quoi ta’n Chiarn? ny, er-aggle dy bee’m boght, as geid, as goaill ennym my Yee ayns fardail.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Jeremiah 2:6

Chamoo t’ad er ghra, Cre vel y Chiarn hug lesh shin seose ass cheer Egypt, ren leeideil shin trooid yn aasagh; trooid cheer reeastaneagh, as ooiganagh; trooid cheer fowan-loshtee, as scadoo yn vaaish; cheer nagh jagh dooinney rieau ny hrooid, as raad nagh row dooinney erbee cummal?

Jeremiah 28:4

As ver-ym lhiam reesht gys y voayl shoh Jeconiah mac Yehoiakim ree Yudah, marish ooilley cappeeyn Yudah, hie gys Babylon, ta’n Chiarn dy ghra: son brish-yms quing ree Vabylon.

Jeremiah 4:10

Eisht dooyrt mee, Ah, Hiarn Yee! s’mooar t’ou er lhiggey da’n pobble shoh as Jerusalem dy ve mollit, gra, Bee shee eu; ga dy vel y cliwe roshtyn gys yn annym.

Jeremiah 43:1

As haink eh gy-kione, erreish da Jeremiah v’er loayrt rish ooilley yn pobble ooilley goan y chaghteraght va’n Chiarn nyn Yee er choyrt huc liorishyn, eer ooilley ny goan shoh,

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 6:14

As s’coan t’ad er lheihys lhott inneen my phobble, gra, Shee, shee; tra nagh vel shee nyn gour.

Ezekiel 13:6

T’ad er vakin fardalys, as phadeyrys breagagh, gra, Ta’n Chiarn dy ghra; as cha vel eh er choyrt ad; as t’ad er chur er feallagh elley dy hreishteil, dy jinnagh ad yn goo y chooilleeney.

Micah 2:11

My ta dooinney gimmeeaght ayns spyrryd dy oalsaght, cur rish breagyn, gra, Nee’m phadeyrys dhyt mychione feeyn as jough lajer; bee eshyn eer phadeyr yn phobble shoh.

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Deuteronomy 29:19

As dy jig eh gy-kione, tra chlinnys eh goan yn mollaght shoh, as dy jean eh sheeaney eh hene ayns e chree, gra, Bee shee aym, ga dy vel mee gimmeeaght lurg drogh smooinaghtyn my chree hene, dy choyrt meshteyllys gys paays:

1 Ean 5:10

Eshyn ta credjal ayns Mac Yee, ta’n feanish echey ayn hene: eshyn nagh vel credjal Jee, t’eh er n’yannoo eh ny vreagerey; er-yn-oyr nagh vel eh credjal yn recortys ta Jee er n’ymmyrkey jeh e Vac.

1 Samuel 6:9

As gow-jee tastey, my te goll seose rish raad ny ardjyn echey hene lesh Beth-shemesh, she eshyn eisht t’er choyrt yn kerraghey trome shoh orrin: agh mannagh gow eh yn raad shen, eisht bee fys ain nagh nee’n laue echeysyn ren shin y woalley; cha row eh agh lhag-haghyrt haink orrin.