Jeremiah 5:10 - Yn Vible Casherick 1775 1819

¹⁰ Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Jeremiah 5:10 ပူးပေါင်းရင်းမြစ်များ

2 Recortyssyn 12:4

As ghow eh ny ard-valjyn voallit va lesh Judah, as haink eh noi Jerusalem.

2 Recortyssyn 36:17

Shen-y-fa hug eh lesh orroo ree ny Caldeanee, ren ny deiney aegey oc y varroo lesh y chliwe, ’sy chiamble casherick, as cha row chymmey erbee oc er dooinney aeg, ny moidyn, er shenn ghooinney, ny ersyn va croymmey lesh eash: livrey eh ad ooilley gys e laue.

Jeremiah 2:21

Ga dy row mee er hoiaghey oo dty villey-feeyney ooasle, jeh keint slane dooie: kys te eisht dy vel oo ceaghlit gys billey-feeyney neu-ghooghyssagh dooys?

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 30:11

Son ta mish mayrt, ta’n Chiarn dy ghra, dy dty hauail: ga dy jean-yms slane jerrey er dy chooilley ashoon raad ta mee er dty skeayley, foast cha jean-yms slane jerrey jeed’s; agh smaght-yms oo ayns myghin, as cha vaag-ym oo ooilley-cooidjagh gyn kerraghey.

Jeremiah 39:8

As losht ny Caldeanee plaase y ree, as thieyn y phobble lesh aile, as lhieg ad voallaghyn Yerusalem.

Jeremiah 4:27

Son myr shoh ta’n Chiarn er ghra, Bee’n slane cheer ny hraartys; ny-yeih cha jean-yms slane jerrey.

Jeremiah 46:28

Ny gow aggle, O Yacob my harvaant, ta’n Chiarn dy ghra; son ta mee mayrt: as nee’m slane jerrey er ooilley ny ashoonyn raad ta mee er n’eiyrt oo; as cha jean-yms slane jerrey jeed’s; agh smaght-yms oo ayns myghin; ga nagh vaag-ym oo ooilley-cooidjagh gyn kerraghey.

Jeremiah 5:11

Son ta thie Israel as thie Yudah er ghellal dy feer foalsey m’oï’s, ta’n Chiarn dy ghra.

Jeremiah 5:18

Ny-yeih ayns ny laghyn shen, ta’n Chiarn dy ghra, cha jean-yms slane jerrey riu.

Jeremiah 5:9

Nagh jean-yms kerraghey son ny peccaghyn shoh? ta’n Chiarn dy ghra; as nagh jean m’annym’s cooilleeney ’ghoaill er lheid yn ashoon shoh?

Ezekiel 12:16

Agh faag-yms kuse jeu veih’n chliwe, veih’n ghortey, as veih’n phaitt, dy vod adsyn ooilley nyn beccaghyn eajee y ockley magh mastey ny ashoonee, raad hig ad, as bee fys oc dy nee mish y Chiarn.

Ezekiel 14:17

Er-nonney, my ver-ym lhiam cliwe er y cheer shen, as my jir-ym, Chliwe, gow trooid y cheer; myr shen dy giare-ym jeh deiney as maase:

Hosea 1:9

Eisht dooyrt Jee, Jean genmys eh shoh Lo-ammi: son cha vel shiuish yn pobble aym’s, as cha beem’s yn Jee euish.

Amos 9:8

Cur-my-ner, ta sooillyn y Chiarn Jee soit noi yn reeriaght peccoil, as ver-ym naardey ad er eaghtyr y thallooin; agh ny-yeih, cha jean-ym dy bollagh stroie thie Yacob, ta’n Chiarn dy ghra.

Noo Mian 22:7

Agh tra cheayll y ree jeh v’eh feer chorree: as hug eh magh e heshaghtyn-caggee, as stroie eh ny dunveryn shen, as losht eh yn ard-valley oc.