Jeremiah 5:1 - Yn Vible Casherick 1775 1819

¹ Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Jeremiah 5:1 ပူးပေါင်းရင်းမြစ်များ

1 Reeaghyn 19:10

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh: son ta cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as ta mish, dy jarroo mish my-lomarcan, faagit er-mayrn; as t’ad shirrey my vioys, dy ghoaill eh ersooyl.

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

Psalmyn 12:1

Cooin lhiam, Hiarn, son cha vel un dooinney crauee faagit: son cha vel y vooinjer ynrick agh goan mastey cloan gheiney.

Psalmyn 14:2

T’ad er jeet dy ve feer vee-chrauee, as dwoaiagh ayns nyn yannoo: cha vel unnane erbee ta jannoo dy mie, cha vel unnane.

Psalmyn 14:3

Yeeagh y Chiarn neose veih niau er cloan gheiney: dy akin row veg jeu yinnagh toiggal, as shirrey lurg Jee.

Psalmyn 94:16

Quoi nee girree seose mârym noi ny mee-chrauee: ny quoi hassys er my heu noi ny drogh-yantee?

Raaghyn Creeney 20:6

Nee yn chooid smoo dy leih fockley-magh, dagh unnane, e vieys hene: agh dooinney dy firrinagh (mie) s’doillee y gheddyn.

Raaghyn Creeney 23:23

Kionnee yn irriney, as ny creck eh; myr-chaagh, creenaght, as ynsagh, as keeayl,

Raaghyn Creeney 8:3

T’ee gyllaghey ec ny giattyn, ec cheet-stiagh yn ard-valley, ec fosley ny dorryssyn.

Arrane Solomon 3:2

Irree-ym nish, as hem mygeayrt yn ard-valley trooid ny straïdyn, brie-ym er e hon-syn, shynney lesh my annym, ayns ny raaidyn mooarey: vrie mee er e hon, agh cha dooar mee eh.

Isaiah 59:4

Agh cha vel unnane geamagh son cairys, ny pleadeil son yn ynrickys: t’ad treishteil ayns fardail, as loayrt breagyn; t’ad gientyn olkys, as gymmyrkey magh mee-chairys.

Jeremiah 2:29

Cre’n-fa eisht nee shiu pleadeil m’oï? son ta shiu ooilley er vrishey magh m’oï’s, ta’n Chiarn dy ghra.

Jeremiah 44:15

Eisht ooilley ny deiney va fys oc dy row ny mraane oc er lostey incense gys jeeghyn joarree, as ooilley ny mraane va kionfenish, shiartanse vooar jeu, eer ooilley pobble Yudah va cummal ayns cheer Egypt, ec Pathros, dansoor ad Jeremiah, gra,

Jeremiah 8:6

Deaisht mee as chlin mee, agh va ny goan oc foalsey; cha ghow dooinney jeu arrys son e vee-chraueeaght, gra, Cre shoh ta mee er n’yannoo? dagh fer chyndaa gys e henn chliaghtey, myr ta’n cabbyl chionney stiagh gys y chaggey.

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Jeremiah 9:7

Shen-y-fa shoh myr ta Chiarn ny pooaraghyn flaunyssagh dy ghra, Cur-my-ner, neem’s ad y lheïe, as y phrowal; as shoh myr nee’m rish inneen my phobble.

Ezekiel 22:30

As hir mee son dooinney ny mast’ oc, yinnagh yn cleiy y yannoo seose, as shassoo ’sy doarlish roym’s son y cheer, nagh jinnin eh y stroie: agh cha row fer ry-gheddyn.

Ezekiel 9:9

Eisht dooyrt eh rhym, Ta mee-chraueeaght thie Israel as Judah erskyn-earroo mooar, as ta’n cheer roie harrish lesh fuill, as ta’n ard-valley lane dy vee-chairys: son t’ad gra, Ta’n Chiarn er hreigeil y thalloo, as cha vel y Chiarn cur-my-ner.

Daniel 12:4

Agh uss, O Ghaniel, jeigh seose ny goan, as seal y lioar, eer gys traa yn jerrey: nee ymmodee roie noon as noal, as bee tushtey er ny vishaghey.

Joel 2:9

Nee ad roie noon as noal ’syn ard-valley; nee ad roie er y voalley, snaue-ee ad seose er ny thieyn: hed ad stiagh er ny uinniagyn myr maarliagh.

Amos 8:12

As nee ad rouail veih keayn gy keayn, as veih yn twoaie eer gys y shiar, roie-ee ad noon as noal dy hirrey goo yn Chiarn, as cha vow ad eh.

Zechariah 2:4

As dooyrt eh rish, Roie, loayr rish yn dooinney aeg shoh, gra, Bee cummaltee ayns Jerusalem myr ayns baljyn gyn voallaghyn son ymmodee ny deiney, as yn ollagh t’ayn.

Noo Luke 14:21

Myr shen haink y charvaant cheddin, as hoilshee eh da e hiarn ny reddyn shoh. Eisht va mainshter y thie jymmoosagh, as dooyrt eh rish e harvaant, Gow magh dy tappee gys straidyn as raaidyn yn ard-valley, as cur lhiat stiagh ayns shoh ny boghtyn, as ny baccee, as ny croobee, as ny doail.

2 Thessalonianee 2:10

As lesh dy chooilley oalsaght dy neu-ynrickys, ayndoosyn ta cherraghtyn; er-yn-oyr nagh ghow ad rish graih yn ynrickys, dy voddagh ad ve er nyn sauail.