Jeremiah 49:3 - Yn Vible Casherick 1775 1819

³ Trog yllaghey treih, O Heshbon; son ta Ai currit naardey: yllee-jee, inneenyn Rabbah; cur-jee erriu aanrit-sack; jean-jee dobberan, as roie-jee noon as noal rish ny cleiyee: son hed nyn ree gys cappeeys, as e haggyrtyn as e phrinceyn cooidjagh.

Jeremiah 49:3 ပူးပေါင်းရင်းမြစ်များ

2 Samuel 11:1

As haink eh gy-kione ec toshiaght ny bleeaney, yn imbagh ta reeaghyn cliaghtey dy gholl magh dy chaggey, dy dug David magh Joab as e gheiney mârish, as ooilley deiney reiht Israel; as stroie ad cloan Ammon, as chruinnee ad stiagh Rabbah. Agh duirree David ec Jerusalem.

1 Reeaghyn 11:33

Er-yn-oyr dy vel ad er m’y hreigeil, as er chur ooashley da Ashtoreth, jee ny Zidonianee, Chemosh jee ny Moabiteyn, as Milcom jee cloan Ammon; as nagh vel ad er n’immeeaght ayns my raaidyn’s, dy yannoo shen ny ta cairagh ayns my hilley, as dy reayll my lattyssyn as my vriwnyssyn, myr ren David e ayr.

1 Reeaghyn 11:5

Son hie Solomon geiyrt er Ashtoreth jalloo ny Zidonianee, as geiyrt er Milcom jalloo dwoaiagh ny Ammoniteyn.

2 Reeaghyn 23:13

As ny ard-ynnydyn va roïe ayns Jerusalem, va er laue yesh slieau ny oliveyn, va Solomon ree Israel er hroggal son Ashtoreth jalloo ny Zidonianee, as son Chemosh jalloo ny Moabiteyn, as son Milcom jalloo cloan Ammon, ren y ree an-chasherick.

Ezra 2:28

Deiney Beth-el as Ai, daa cheead three as feed.

Isaiah 13:6

Jean-jee gullyrnee; son ta laa yn Chiarn ec laue; hig eh myr toyrt-mow veih’n Ooilley-niartal.

Isaiah 14:31

Gull, O yiat; yllee, O ard-valley: t’ou uss slane Palestina er dty skeayley: son hig jaagh veih’n twoaie, as cha n’uirree fer jeu nagh jig kionfenish, tra vees eh er ny eam.

Isaiah 15:2

T’eh er n’gholl seose er ny ard-ynnydyn dy cheayney, ec Bajith as ec Dibon; nee Moab gullyrnee harrish Nebo, as harrish Medeba; bee ooilley ny king oc meayl, as dy chooilley aasaag baarit.

Isaiah 16:7

Shen-y-fa nee Moab dobberan son Moab, nee dagh unnane dobberan: son undinyn Kir-hareseth bee shiu ayns trimshey; son shickyrys t’ad naardey.

Isaiah 23:1

Errey Tyre. Gull-jee, shiuish lhongyn Tarshish; son te ny hraartys, myr shen nagh vel thie faagit, ny boayl erbee dy gholl stiagh ayn: veih cheer Chittim te er ny ockley magh orroo.

Isaiah 23:6

Shiaull-jee harrish gys Tarshish, yllee-jee; shiuish chummaltee yn ellan.

Jeremiah 4:8

Son shoh cryss-jee shiu hene lesh aanrit-sack, jean-jee gullal as gluggernee; son cha vel eulys trome y Chiarn er ny hyndaa ersooyl voïn.

Jeremiah 46:25

Ta’n Chiarn dy heshaghtyn-flaunyss, Jee Israel, dy ghra, Cur-my-ner, kerree-yms No earrooagh, as Pharaoh, as Egypt, marish ny jeeghyn oc, as nyn reeaghyn; dy feer, Pharaoh, as adsyn ooilley ta treishteil ayn;

Jeremiah 48:2

Cha bee boggyssagh ny smoo ayns Moab: ayns Heshbon t’ad er chiarail olk n’oï; tar-jee, as lhig dooin eh y yiarey jeh, nagh bee eh ny ashoon: bee uss er dty stroie neesht, O Vadmenah: eiyree yn cliwe ort’s.

Jeremiah 48:20

Ta Moab bun-ry-skyn, son te lhieggit: yllee-jee, as jean-jee keayney; insh-jee ayns Arnon, dy vel Moab naardey,

Jeremiah 48:37

Son bee dy chooilley chione meayl, as dy chooilley aasaag baarit: er dy chooilley laue vees geulaghyn, as aanrit-sack er nyn meeghyn.

Jeremiah 48:7

Er-yn-oyr dy vel oo er hreishteil ayns obbyr dty laueyn hene, as ayns dty verchys, bee uss myrgeddin goit; as hed Chemosh magh ayns cappeeys, marish e haggyrtyn as e phrinceyn dy cheilley.

Jeremiah 49:1

Mychione ny Ammoniteyn, shoh myr ta’n Chiarn dy ghra, Nagh vel mec ec Israel? nagh vel eirey echey? cre’n-fa eisht ta’n ree ocsyn goaill Gad myr eiraght, as e phobble cummal ayns ny ard-valjyn echeysyn?

Jeremiah 51:8

Ta Babylon er duittym doaltattym, as t’ee naardey: jean-jee dobberan er e son; gow-jee shelliu son y ghuin eck, my ta lheihys ny cour.

Jeremiah 6:26

O inneen my phobble, jean aanrit-sack y chryssey mood, as seiy oo hene ’sy leoie; jean farrarey trimshagh myr son ynrycan mac, yn dobberan s’doogh: son hig y roosteyr doaltattym orrin.

Amos 1:15

As hed nyn ree ayns cappeeys, eshyn as e phrinceyn cooidjagh, ta’n Chiarn dy ghra.

Zephaniah 1:5

As adsyn ta cur ooashley da sheshaght rollageagh yn aer, er mullagh ny thieyn, as adsyn ta ooashlaghey, as breearrey liorish y Chiarn, as breearrey liorish Malcham;

Jamys 5:1

Tar-jee nish shiuish gheiney berchagh, keayn-jee as gull-jee son nyn dreihys hig erriu.

Joshua 7:2

As ren Joshua deiney y choyrt, veih Jericho gys Ai, ta liorish Beth-aven, er cheu-har jeh Beth-el, as loayr eh roo, gra, Immee-jee seose, as gow-jee baght jeh’n cheer. As hie ny deiney seose as ghow ad baght jeh Ai.

Joshua 8:1

As dooyrt y Chiarn rish Joshua, Ny bee aggle ort, chamoo lhig sheese dty chree: gow mayrt ooilley ny deiney caggee, as trog ort, immee seose noi Ai: jeeagh, ta mee er livrey gys dty laue ree Ai, as e phobble, as e ard-valley, as e heer.

Joshua 8:28

As ren Joshua Ai y lostey, as ve ny charnane son dy bragh, dy jarroo ny hraartys gys y laa jiu.