Jeremiah 48:9 - Yn Vible Casherick 1775 1819

⁹ Cur-jee skianyn da Moab, dy vod eh getlagh as cosney roish: son bee ny ard-valjyn echey follym-faase, gyn cummaltagh faagit ayndoo.

Jeremiah 48:9 ပူးပေါင်းရင်းမြစ်များ

Psalmyn 11:1

Ayns y Chiarn ta mish cur my hreishteil, kys dy vel shiu gra eisht rish m’annym, ee dy chosney ersooyl myr eean gys y chronk?

Psalmyn 55:6

As dooyrt mee, O dy beagh aym skianyn myr t’ec calmane: son eisht etlin ersooyl, as veign ec fea.

Isaiah 16:2

Son hig eh gy-kione, myr ushag er-shaghryn agglit ass yn edd, shen myr vees inneenyn Voab ec aaghyn Arnon.

Jeremiah 44:22

Myr shen nagh voddagh y Chiarn gymmyrkey ny-sodjey rish loght nyn yannoo, as ny cliaghtaghyn dwoaiagh ta shiu er chur roo: shen-y-fa ta’n cheer eu ny hraartys, as atchim, as mollaght, gyn cummaltagh, myr ec y laa t’ayn jiu.

Jeremiah 46:19

O uss inney-vaghee Egypt, kiartee oo hene dy gholl gys cappeeys: son bee Noph naardey as treigit gyn cummaltagh.

Jeremiah 48:28

O shiuish chummaltee Voab, faag-jee ny ard-valjyn, as cum-jee ayns ny creggyn, as bee-jee myr y chalmane ta jannoo yn edd eck ayns tuill ny guaggyn.

Zephaniah 2:9

Shen-y-fa, myr ta mee bio, ta Chiarn ny flaunyssee, Jee Israel, dy ghra, Shickyr bee Moab myr Sodom, as cloan Ammon myr Gomorrah, dy jarroo, ooilley fo undaagagh, as nyn sloghyn sollan, as ny hraartys son dy bragh: nee fooilliagh my phobble’s ad y spooilley, as ec sluight my phobble bee ad ayns eiraght.

Ashlish 12:14

As da’n ven v’er ny choyrt daa skian dy urley vooar, dy voddagh ee getlagh gys yn aasagh, gys yn ynnyd eck hene: raad ta beaghey kiarit j’ee son traa, as traaghyn, as lieh traa, veih eddin yn ard-nieu.