Jeremiah 48:8 - Yn Vible Casherick 1775 1819

⁸ As hig y roosteyr er dy chooilley ard-valley, as cha jean balley jeu scapail: bee yn coan neesht currit mow, as hed y cheer-rea naardey, myr ta’n Chiarn er loayrt.

Jeremiah 48:8 ပူးပေါင်းရင်းမြစ်များ

Jeremiah 15:8

Ta ny mraane-treoghe oc ayns earroo erskyn genniagh ny marrey: ta mee er lhiggey magh orroo, noi moir ny deiney aegey, roosteyryn ec y vun-laa; ver-ym orroo dy huittym urree doaltattym, as atchim agglagh er yn ard-valley.

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 48:18

Tar neose, O inneen Ghibon veih dty ghloyr, as soie ’sy joan; son hig spooilleyder Voab ort’s, as nee eh stroie dty chashtallyn lajer.

Jeremiah 51:56

Er-yn-oyr dy vel y spooilleyder er jeet urree, eer er Babylon, as ta ny deiney niartal eck goit; ta ooilley ny bow’ghyn oc brisht, son nee yn Chiarn Jee, yn Lhiaseyder, dy shickyr cooilleeney.

Jeremiah 6:26

O inneen my phobble, jean aanrit-sack y chryssey mood, as seiy oo hene ’sy leoie; jean farrarey trimshagh myr son ynrycan mac, yn dobberan s’doogh: son hig y roosteyr doaltattym orrin.

Ezekiel 25:9

Shen-y-fa, cur-my-ner foshil-yms slystyn Voab, eer ny ard-valjyn t’er yn oirr echey, gloyr ny cheerey, Beth-jeshimoth, Baal-meon, as Kiriathaim,

Joshua 13:17

Heshbon, as ooilley e baljyn ’sy strah: Dibon, as Bamoth-baal, as Beth-baal-meon,

Joshua 13:21

As ooilley baljyn y strah, as ooilley reeriaght Sihon ree ny Amoriteyn, va reill ayns Heshbon, ren Moses bwoalley, marish princeyn Vidian, Evi, as Rekem, as Zur, as Hur, as Reba, va dukeyn Sihon, cummal ’sy cheer.

Joshua 13:9

Veih Aroer, ta rish broogh awin Arnon, as ny baljyn ta eddyr ny hawinyn, as ooilley strah Vedeba gys Dibon;