Jeremiah 48:7 - Yn Vible Casherick 1775 1819

⁷ Er-yn-oyr dy vel oo er hreishteil ayns obbyr dty laueyn hene, as ayns dty verchys, bee uss myrgeddin goit; as hed Chemosh magh ayns cappeeys, marish e haggyrtyn as e phrinceyn dy cheilley.

Jeremiah 48:7 ပူးပေါင်းရင်းမြစ်များ

2 Samuel 5:21

As ayns shen daag ad ny jallooyn oc, as losht David as e gheiney ad.

1 Reeaghyn 11:33

Er-yn-oyr dy vel ad er m’y hreigeil, as er chur ooashley da Ashtoreth, jee ny Zidonianee, Chemosh jee ny Moabiteyn, as Milcom jee cloan Ammon; as nagh vel ad er n’immeeaght ayns my raaidyn’s, dy yannoo shen ny ta cairagh ayns my hilley, as dy reayll my lattyssyn as my vriwnyssyn, myr ren David e ayr.

1 Reeaghyn 11:7

Eisht hrog Solomon ynnyd ard son Chemosh, jalloo dwoaiagh Voab, ayns y chronk ta kiongoyrt rish Jerusalem; as son Molech, jalloo dwoaiagh cloan Ammon.

Psalmyn 40:4

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Psalmyn 52:7

Hee yn sleih cairal shoh myrgeddin, as gowee ad aggle: as nee ad craidey mysh as gearey;

Jeremiah 13:25

Shoh dty chronney, yn ayrn eiraght t’ad voym’s, ta’n Chiarn dy ghra; er-y-fa dy vel oo er my yarrood, as er choyrt dty varrant er fardalys.

Jeremiah 43:12

As foaddee eh aile ayns chiambleyn yeeghyn Egypt, as nee eh ad y lostey, as ver eh lesh ersooyl ad nyn gappeeyn; as nee eh eh-hene y choamrey lesh thalloo Egypt, myr ta bochilley dy choyrt er e chooat-fastee, as hed eh magh veih shen ayns shee.

Jeremiah 48:13

As gowee Moab nearey jeh Chemosh, myr va nearey er thie Israel son jalloo Veth-el nyn marrant.

Jeremiah 48:46

Smerg dhyt’s, O Voab! ta pobble Chemosh cherraghtyn: son ta dty vec goit nyn bryssoonee, as dty inneenyn nyn gappeeyn.

Jeremiah 49:3

Trog yllaghey treih, O Heshbon; son ta Ai currit naardey: yllee-jee, inneenyn Rabbah; cur-jee erriu aanrit-sack; jean-jee dobberan, as roie-jee noon as noal rish ny cleiyee: son hed nyn ree gys cappeeys, as e haggyrtyn as e phrinceyn cooidjagh.

Jeremiah 49:4

Kys dy vel oo boggyssagh jeh dty choanyn, dty choan vessoil, O inneen vee-viallagh? ren treishteil ayns dty hashtaghyn, gra, Quoi hig orrym?

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Hosea 10:13

Ta shiu er hraaue mee-chraueeaght, ta shiu er vuinn mee-chairys, ta shiu er n’ghoaill nyn soogh ayns y vess dy vreagyn; son dy dug oo dty varrant er dty raad hene, as er earroo dty gheiney niartal.

Earrooyn 21:29

Smerg dhyt’s, Voab; ta’n chragh er jeet ort, O phobble Chemosh; t’eh er choyrt e vec ren scapail, as e inneenyn, ayns cappeeys, da Sihon ree ny Amoriteyn.

1 Timothy 6:17

Cur currym orroosyn ta berchagh ’sy theihll shoh, nagh bee ad ard-aignagh, ny treishteil ayns berchys neu-hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

Ashlish 18:7

Corrym rish y stayd mooaralagh t’ee er ghoaill urree, as er vaghey ayns rouanys, yn corrymid cheddin dy cherraghey as dy heaghyn cur-jee urree: son t’ee gra ayns e cree, Ta mee my hoie my ven-reïn, as cha nee ben-treoghe mee, as cha jig trimshey erbee my raad.

Briwnyn 11:24

Nagh jean uss freayll possession jeh shen ny ta Chemosh dty yee dy choyrt dhyt? Er yn aght cheddin quoi-erbee nee’n Chiarn y Jee ain geiyrt magh roïnyn, ad shen nee mayd y ghoaill dooin hene.