Jeremiah 48:6 - Yn Vible Casherick 1775 1819

⁶ Roie-jee er-chea, saue-jee nyn mioys, as bee-jee myr y freoagh ayns yn aasagh.

Jeremiah 48:6 ပူးပေါင်းရင်းမြစ်များ

Genesis 19:17

As haink eh gy-kione, tra v’ad er choyrt lhieu ad magh, dy dooyrt eh, Cosne ersooyl son dty vioys; ny jeeagh dty yeï; chamoo jean cumrail raad erbee ’sy thalloo-rea; cosne gys y clieau, er-aggle dy bee oo er dty choyrt mow.

Psalmyn 11:1

Ayns y Chiarn ta mish cur my hreishteil, kys dy vel shiu gra eisht rish m’annym, ee dy chosney ersooyl myr eean gys y chronk?

Jeremiah 17:6

Son bee eh myr y freoagh ’syn aasagh, as cha vaik eh yn bannaght ta ry-hoi cheet; agh bee e chummal ayns ynnydyn sponkit yn aasagh, ayns thalloo sailjey as gyn cummaltee.

Jeremiah 51:6

Cosne-jee magh veih Babylon, as saue-jee dagh dooinney e vioys; nagh bee shiu giarit jeh ayns e vee-chairys ecksh: son shoh traa yn Chiarn dy ghoaill cooilleeney urree, as dy choyrt jee leagh rere e toilliu.

Noo Luke 3:7

Eisht dooyrt eh rish y pobble v’er jeet magh huggey dy ve er nyn mashtey, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin: