Jeremiah 48:41 - Yn Vible Casherick 1775 1819

⁴¹ Ta Kerioth goit, as ny cashtallyn lajer greimmit, as bee creeaghyn deiney-caggee Voab ec y laa shen myr cree ben ayns pianyn troailt.

Jeremiah 48:41 ပူးပေါင်းရင်းမြစ်များ

Isaiah 13:8

As bee ad agglagh: gowee angaish as trimshey greme orroo; bee ad ayns pian myr ben er-troailt; bee ad seaghnit yn derrey yeh ec y jeh elley; nee nyn eddin jiargaghey myr aile.

Isaiah 21:3

Er-y-fa shen ta my veeghyn guint lesh pian; ta pianyn er my ghreimmey, myr pianyn ben ta er-troailt: va mee crubbit sheese ec clashtyn eh; va mee agglit ec y chilley echey.

Jeremiah 30:6

Fênee-jee nish, as jeeagh-jee my ta dooinney er-troailt er lhiannoo? cre’n-fa eisht ta mee fakin dy chooilley ghooinney as e laueyn er e veeghyn, myr ben er-troailt, as drogh neeal er dy chooilley eddin?

Jeremiah 4:31

Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.

Jeremiah 4:9

As hig eh gy-kione er y laa shen, ta’n Chiarn dy ghra, dy jean cree yn ree failleil, as cree ny princeyn; as bee atchim er ny saggyrtyn, as nee ny phadeyryn goaill yindys.

Jeremiah 48:24

As er Kerioth, as er Bozrah, as er ooilley ard-valjyn thalloo Voab, foddey as gerrit.

Jeremiah 49:22

Cur-my-ner, hig eh seose, as nee eh getlagh myr urley, as sheeyney magh e skianyn harrish Bozrah: as er y laa shen bee cree treanee Edom myr cree ben er-troailt.

Jeremiah 49:24

Ta Damascus er n’aase moal, as kiartagh ee hene son chea, as ta aggle er ghreimmey ee: ta angaish as pianyn er ghoaill ee, myr ben er-troailt.

Jeremiah 50:37

Ta’n cliwe er nyn gabbil, as er ny fainee oc, as er slane shiartanse y theay; as bee ad faase myr mraane: ta’n cliwe er y verchys eck; as bee ad spooillit.

Jeremiah 50:43

Haink skeeal jeu gys ree Vabylon, as daase eh lhag-lauee; ren angaish eh y ghreimmey, as pianyn myr ben er-troailt.

Jeremiah 51:30

Ta treanee Vabylon er scuirr veih’n chaggey, t’ad lhie cooyl nyn voallaghyn: ta’n troshid oc er n’aase moal; t’ad faase myr mraane: ta ny ynnydyn-vaghee eck losht, as ny boltyn eck brisht.

Jeremiah 6:24

Ta shin er chlashtyn skeeal jeu; ta ny laueyn ain gaase moal: ta angaish er ghoaill greme orrin, as pian myr ben er-troailt.

Amos 2:2

Agh ver-ym aile er Moab, as nee eh stroie plaaseyn Kerioth, as yiow Moab baase lesh irree-magh, lesh yllaghey, as lesh sheean y trumpet.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.