Jeremiah 48:16 - Yn Vible Casherick 1775 1819

¹⁶ Ta seaghyn Voab er-gerrey, as ta e hreihys cheet dy tappee.

Jeremiah 48:16 ပူးပေါင်းရင်းမြစ်များ

Raaghyn Creeney 7:23

Derrey bwoaillys side trooid yn aane echey, myr eean ta getlagh gys y ribbey, as nagh vel geill eck, dy vel eh soit son e bioys.

Isaiah 13:22

As maase feïe ny ellanyn nee geam ayns nyn dholtanyn, as dragonyn ayns nyn blaaseyn aalin; as ta’n traa eck er-gerrey, as cha bee ny laghyn eck foddey beayn.

Jeremiah 1:12

Eisht dooyrt y Chiarn rhym, T’ou er n’akin cowrey mie: son nee’m siyr er my ghoo dy chooilleeney eh.

Ezekiel 12:23

Insh daue er-y-fa shen, Myr shoh ta’n Chiarn Jee dy ghra, Ver-yms naardey yn raa-cadjin shoh, nagh jean ad imraa sodjey er myr raa-cadjin ayns Israel: agh abbyr roo, Ta ny laghyn er-gerrey, as bun dagh ashlish [dy ve cooilleenit.]

Ezekiel 12:28

Shen-y-fa, abbyr roosyn, Myr shoh ta’n Chiarn Jee dy ghra, Cha bee veg jeh my ghoan’s lhiggit shaghey ny-sodjey, agh bee yn goo, ta mee er loayrt, er ny chooilleeney, ta’n Chiarn Jee dy ghra.

Deuteronomy 32:35

Dooys ta bentyn kerraghey, as cooilleeney, nee’n chass oc skyrrey ayns traa cooie: son ta laa nyn dreihys er-gerrey, as ta ny reddyn hig orroo cheet dy tappee.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.