Jeremiah 48:12 - Yn Vible Casherick 1775 1819

¹² Shen-y-fa, cur-my-ner, ta ny laghyn cheet, ta’n Chiarn dy ghra, dy der-yms ersyn joarreeyn, eiyrys eh gys cheer yoarree, as folmee ad ny siyn-feeyney echey, as brishee ad e voteilyn.

Jeremiah 48:12 ပူးပေါင်းရင်းမြစ်များ

Psalmyn 2:9

Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

Isaiah 16:2

Son hig eh gy-kione, myr ushag er-shaghryn agglit ass yn edd, shen myr vees inneenyn Voab ec aaghyn Arnon.

Isaiah 30:14

As nee eh brishey eh myr brishey saagh craie t’er ny vrishey ayns peeshyn; cha jean eh sparail; myr shen nagh bee er ny gheddyn ayns y vrishey echey wheesh shlig dy ghoaill aile veih’n chiollagh, ny dy hroggal ushtey ass yn phouyl

Jeremiah 14:3

As ta ny chiarnyn oc er chur magh nyn mooinjer veggey gys ny ushtaghyn: haink ad gys ny puill, as cha row bine ry-gheddyn; hyndaa ad reesht lesh nyn siyn follym; v’ad mooar-seaghnit as ec kione nyn geiley, as dollee ad nyn eddin.

Jeremiah 19:10

Eisht nee oo yn voteil y vrishey ayns shilley ny deiney hed mayrt,

Jeremiah 25:34

Gull-jee, shiuish vochillyn, as keayn-jee; as seiy-jee shiu hene ’sy joan, shiuish leeideilee y chioltane: son ta laghyn nyn stroie as nyn scaalhean er jeet mygeayrt; as tuittee shiu ayns peeshyn myr saagh craie costal.

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 48:11

Ta Moab er ve ec aash er dy foddey, as ec fea er e ghrundin: cha row eh folmit veih saagh gys saagh, chamoo t’eh er n’gholl gys cappeeys: shen-y-fa ta e vlass er hannaghtyn ayn, as cha vel e vree er n’gholl eig.

Jeremiah 48:13

As gowee Moab nearey jeh Chemosh, myr va nearey er thie Israel son jalloo Veth-el nyn marrant.

Jeremiah 48:15

Ta Moab spooillit, as er hreigeil e ard-valjyn, as ta e reih deiney aegey er n’gholl sheese gys y slaughter, ta’n Ree dy ghra, ta enmyssit, Chiarn ny flaunyssee.

Jeremiah 48:38

Bee trimshey cadjin ayns ard-shamyr dy chooilley hie ayns Moab, as ayns ny straïdyn: son ta mee er vrishey Moab myr saagh gyn-ymmyd, ta’n Chiarn dy ghra.

Jeremiah 48:8

As hig y roosteyr er dy chooilley ard-valley, as cha jean balley jeu scapail: bee yn coan neesht currit mow, as hed y cheer-rea naardey, myr ta’n Chiarn er loayrt.

Nahum 2:2

Son ta’n Chiarn er chastey moyrn Yacob, as mooaralys Israel: son ta ny folmeyderyn er volmaghey ad ass, as er vhilley ny banglaneyn-feeyney oc.