Jeremiah 48:11 - Yn Vible Casherick 1775 1819

¹¹ Ta Moab er ve ec aash er dy foddey, as ec fea er e ghrundin: cha row eh folmit veih saagh gys saagh, chamoo t’eh er n’gholl gys cappeeys: shen-y-fa ta e vlass er hannaghtyn ayn, as cha vel e vree er n’gholl eig.

Jeremiah 48:11 ပူးပေါင်းရင်းမြစ်များ

Psalmyn 123:4

Ta nyn annym lhieent lesh oltooan craidoilagh ny berchee: as lesh goanlys ny mooaralee.

Psalmyn 55:19

She eshyn ta er livrey m’annym ayns shee, veih’n chaggey va m’oï: son va ymmodee mârym.

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Isaiah 16:6

Ta shin er chlashtyn jeh moyrn Voab; (t’eh feer voyrnagh:) eer jeh e vooaralys, as e voyrn, as e yymmoose: agh bee e vreagyn ayns fardail.

Isaiah 24:3

Bee yn cheer faagit follym-feayn, as dy bollagh er ny spooilley: son ta’n Chiarn er loayrt y fockle shoh.

Isaiah 25:6

As er y clieau shoh nee Chiarn ny flaunyssee gaarlaghey son dy chooilley phobble cuirraghyn sonney, gien feeyn er y drundin, dy vee roauyr lane smuir, dy feeyn sheelit dy glen jeh’n drundin.

Jeremiah 22:21

Loayr mee rhyt ayns dty vaynrys: agh dooyrt oo, Cha jean-ym geaishtagh: shoh va dty chliaghtey veih dty aegid, nagh dug oo biallys da my choraa.

Jeremiah 48:12

Shen-y-fa, cur-my-ner, ta ny laghyn cheet, ta’n Chiarn dy ghra, dy der-yms ersyn joarreeyn, eiyrys eh gys cheer yoarree, as folmee ad ny siyn-feeyney echey, as brishee ad e voteilyn.

Jeremiah 48:29

Ta shin er chlashtyn jeh moyrn Voab, (t’eh erskyn-towse moyrnagh,) e vooaralys, as e chione-ardys, as e voyrn, as roonid e chree.

Jeremiah 51:34

Ta Nebuchadrezzar ree Vabylon er my chur mow, t’eh er my vroo, t’eh er my yannoo saagh follym, t’eh er my lhuggey sheese myr dragon, t’eh er lhieeney e volg lesh my vee s’blaystal, as er my hilgey magh.

Nahum 2:10

T’ee follym, as feayn, as faasagh, as ta’n cree faitagh, as ta ny glioonyn bwoalley noi-ry-hoi, as ta guin ghyere ayns ooilley nyn meeghyn, as ta neeal y dorraghys er dy chooilley eddin.

Nahum 2:2

Son ta’n Chiarn er chastey moyrn Yacob, as mooaralys Israel: son ta ny folmeyderyn er volmaghey ad ass, as er vhilley ny banglaneyn-feeyney oc.

Zephaniah 1:12

As hig eh gy-kione ec y traa shen, dy jean-yms ronsagh Jerusalem lesh cainleyn, as kerraghey ny deiney t’ec fea er nyn ghrundin; ta gra ayns nyn gree, Cha jean y Chiarn mie ny sie.

Zechariah 1:15

As ta mee erskyn-towse jymmoosagh rish ny ashoonee ta ec nyn aash: son ga dy row my chorree eddrym, hug adsyn my heaghyn er y hoshiaght.