Jeremiah 48:10 - Yn Vible Casherick 1775 1819

¹⁰ Cursit dy row eshyn ta jannoo obbyr y Chiarn dy molteyragh, as mollaght dy row ersyn ta lhiettal e chliwe veih fuill.

Jeremiah 48:10 ပူးပေါင်းရင်းမြစ်များ

1 Reeaghyn 20:39

As myr hie’n ree shaghey, deïe eh da’n ree: as dooyrt eh, Hie dty harvaant magh ayns mean y chaggey, as cur-my-ner, hyndaa dooinney dy lhiattee, as hug eh lesh dooinney hym, as dooyrt eh, Gow kiarail jeh’n dooinney shoh: my lhiggys oo yn raad da, eisht bee’n vioys ayd’s son y vioys echeysyn, er-nonney eeckys oo talent dy argid.

1 Reeaghyn 20:40

As myr va dty harvaant preishal mysh obbyr elley, chossyn eh roish. As dooyrt ree Israel rish, Shen myr vees dty vriwnys; t’ou hene er reaghey.

1 Reeaghyn 20:42

As dooyrt eh rish, Shoh myr ta’n Chiarn dy ghra, Er-yn-oyr dy vel oo er lhiggey ass dty laue dooinney ren mee kiarail son slane toyrt-mow, shen-y-fa bee yn vioys ayd’s son y vioys echeysyn, as dty phobble son y pobble echeysyn.

2 Reeaghyn 13:19

As va’n dooinney dy Yee corree rish, as dooyrt eh, Lhisagh oo v’er woalley queig ny shey dy cheayrtyn; eisht veagh uss er woalley Syria derrey v’ou er stroie eh: agh nish cha bwoaill uss Syria agh three keayrtyn.

Jeremiah 11:3

As abbyr uss roo, Myr shoh ta’n Chiarn Jee Israel dy ghra, Dy row mollaght er y dooinney nagh vel biallagh da goan y chonaant shoh,

Jeremiah 47:6

O chliwe y Chiarn, caïd nagh gow fea? Cur oo hene ’sy fine, scuirr, as lhie feagh.

Jeremiah 47:7

Kys oddys eh ve ec fea, fakin dy vel y Chiarn er choyrt currym da noi Ashkelon, as noi slystyn ny marrey? shen y raad t’eh er phointeil eh.

Jeremiah 50:25

Ta’n Chiarn er vosley thie e armyn, as er choyrt lesh magh greinyn e yymmoose: son shoh obbyr y Chiarn Jee ny flaunyssee ayns cheer ny Caldeanee.

Jeremiah 50:27

Marr-jee ooilley ny dew eck; sheese lhieu gys y slaughter: smerg daue! son ta’n laa oc er jeet, earish nyn gerraghey.

Joshua 10:19

As ny fuirree-jee shiuish agh gow-jee er-eiyrt’s nyn noidyn, as stroie-jee ad ayns chea; ny lhig-jee daue cosney stiagh ayns ny ard-valjyn oc: son ta’n Chiarn y jee euish er livrey ad gys nyn laue.

Briwnyn 5:23

Gwee-jee mollaght er Meroz, (dooyrt ainle y Chiarn;) gwee-jee mollaght trome er ny cummaltee eck; er-yn-oyr nagh daink ad gys cooney yn Chiarn, gys cooney’n Chiarn noi’n vooinjer niartal.

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:9

Agh ren Saul as y pobble sparail Agag, as y chooid share jeh ny kirree, jeh ny dew, jeh ny muirht, as ny heayin, as ooilley’n reih spooilley, ad shoh cha bailloo dy slane stroie: agh ooilley’n chooid smessey, as jeh beggan feeu shen ren ad dy bollagh y stroie.