Jeremiah 47:6 - Yn Vible Casherick 1775 1819

⁶ O chliwe y Chiarn, caïd nagh gow fea? Cur oo hene ’sy fine, scuirr, as lhie feagh.

Jeremiah 47:6 ပူးပေါင်းရင်းမြစ်များ

Jeremiah 12:12

Ta ny roosteyryn er jeet er ooilley ny ard-ynnydyn fud yn aasagh: son nee cliwe yn Chiarn stroie veih’n derrey chione jeh’n cheer eer gys y chione elley: cha bee fea ec cretoor erbee.

Noo Ean 18:11

Eisht dooyrt Yeesey rish Peddyr, Cur seose dty chliwe ayns y fine: yn cappan ta my Ayr er chur dou, nagh n’iu-ym eh?

Ezekiel 21:30

Der-yms reesht eh ayns y fine? nee mish uss y vriwnys raad v’ou er dty chroo, ayns cheer dty ghooie.

Ezekiel 14:17

Er-nonney, my ver-ym lhiam cliwe er y cheer shen, as my jir-ym, Chliwe, gow trooid y cheer; myr shen dy giare-ym jeh deiney as maase:

Jeremiah 25:27

Shen-y-fa jir oo roo, Myr shoh ta Chiarn ny sheshaghtyn flaunyssagh, Jee Israel, dy ghra, Iu-jee, as bee-jee er-meshtey, as jean-jee tilgey as tuittym, as ny irree-jee arragh, kyndagh rish y chliwe ver-yms ny mast’ eu.

Jeremiah 15:3

As ver-yms kiare briwnyssyn magh orroo, ta’n Chiarn dy ghra; yn cliwe dy varroo, as ny moddee dy raipey, as eeanlee’n aer, as beishtyn yn ooir, dy chur mow as dy yannoo jeeill.

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 4:21

Caïd hee-ym yn mergey-caggee, as caïd chlin-ym sheean y trumpet?

Isaiah 10:15

Jean y teigh boggyssagh n’oï-syn ta giarey lesh? ny bee yn saaue mooaralagh rishyn ta dy hayrn eh? myr dy jinnagh y clatt ee-hene y chraa noi adsyn ta troggal seose ee, ny myr dy jinnagh yn lorg eh-hene y hroggal seose, myr nagh beagh eh ny vaidjey.

Isaiah 10:5

O Assyrian, slatt my chorree, as ta’n lorg ayns nyn laue my yymmoose.

Psalmyn 17:13

Seose, Hiarn, cur e haaseyn mow, as ceau sheese eh: livrey m’annym veih’n vee-chrauee, ta myr cliwe ayns dty laue;

1 Recortyssyn 21:27

As hug y Chiarn yn ainle fo harey; as hug eh seose e chliwe reesht ayns y fine.

2 Samuel 2:26

Eisht deïe Abner gys Joab, as dooyrt eh, Vel yn cliwe ry-hoi stroie son dy bragh? nagh vel fys ayd dy bee’n obbyr shoh trimshey ec y jerrey? caïd eisht nee oo lhiggey shaghey dy lhiettal y pobble veih geiyrt er nyn mraaraghyn?

Briwnyn 7:20

As ren ny three sheshaghtyn-caggee sheidey ny trumpetyn, as vrish ad ny crockanyn, as chum ad ny lampyn ayns nyn laue chiare, as ny trumpetyn ayns nyn laue yesh dy heidey lhieu; as dyllee ad, Cliwe y CHIARN, as Ghideon.

Jeremiah 48:10

Cursit dy row eshyn ta jannoo obbyr y Chiarn dy molteyragh, as mollaght dy row ersyn ta lhiettal e chliwe veih fuill.

Jeremiah 50:35

Ta’n cliwe er ny Caldeanee, ta’n Chiarn dy ghra, as er cummaltee Vabylon, as er ny princeyn, as er ny deiney creeney eck.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.