Jeremiah 47:4 - Yn Vible Casherick 1775 1819

⁴ Kyndagh rish y laa ta ry-heet dy spooilley ooilley ny Philistinee, as dy yiarey jeh veih Tyrus as Zidon dy chooilley er-coonee ta er-mayrn; son ver y Chiarn naardey ny Philistinee, fooilliagh cheer Caphtor.

Jeremiah 47:4 ပူးပေါင်းရင်းမြစ်များ

Genesis 10:15

As hooar Canaan Sidon e vac shinney, as Heth,

1 Recortyssyn 1:12

As Pathrusim, as Casluhim, (jeusyn haink ny Philistinee) as Caphtorim.

Lioar Yob 9:13

Mannagh jean Jee e chorree y veeinaghey, nee ny fir-choonee mooaralagh croymmey fo.

Psalmyn 37:13

Cha jean y Chiarn agh craid jeh: son t’eh er vakin dy vel y laa echey er-gerrey.

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Isaiah 14:31

Gull, O yiat; yllee, O ard-valley: t’ou uss slane Palestina er dty skeayley: son hig jaagh veih’n twoaie, as cha n’uirree fer jeu nagh jig kionfenish, tra vees eh er ny eam.

Isaiah 20:6

As jir cummaltee yn ellan shoh ayns y laa shen, Cur-my-ner, lheid shoh ta’n jerkal ain, raad ta shin chea son cooney dy v’er nyn livrey veih ree Assyria: as kys nee mayd scapail?

Isaiah 31:8

Eisht tuittee yn Assyrian liorish y chliwe, cha nee dy ghooinney niartal; as nee cliwe, cha nee dy ghooinney moal, eh y stroie: agh nee eh chea veih’n chliwe, as bee ny deiney aegey echey ny haart.

Jeremiah 46:10

Son ta shoh laa yn Chiarn Jee ny sheshaghtyn-caggee, laa yn lhiasaghey, dy ghoaill cooilleeney er e noidyn: as nee yn cliwe sluggey gys y clane, as bee eh er-meshtey lesh yn uill oc; son ec y Chiarn Jee ny sheshaghtyn-caggee ta oural [folley] ayns y cheer twoaie liorish yn awin Euphrates.

Ezekiel 21:25

As uss phrince mee-chrauee olk dy Israel, ta’n laa er jeet, ver jerrey er dty vee-chairys.

Ezekiel 21:29

Choud’s t’ad fakin fardalys er dty hon, choud’s t’ad faishnys breagyn dhyt, dy jean oo greimmey ny mwannallyn ocsyn ta craghit, ny mee-chrauee ta’n laa trome er jeet orroo, as nyn mee-chairys ec kione.

Ezekiel 25:16

Shen-y-fa, shoh myr ta’n Chiarn Jee dy ghra; Cur-my-ner, sheeyn-yms magh my laue er ny Philistinee, as giare-ym jeh ny Cherethim, as ver-ym naardey adsyn ta er-mayrn jeh slyst ny marrey.

Ezekiel 30:8

As bee fys oc dy nee mish y Chiarn, tra ta mee er choyrt aile ayns Egypt, as tra vees ooilley ny fir-choonee eck er nyn stroie.

Ezekiel 7:12

Ta’n traa er jeet, ta’n laa tayrn er-gerrey, ny lhig da’n kionneyder goaill boggey, ny’n creckeyder dobberan: son ta jymmoose er y slane sheshaght.

Hosea 9:7

Ta laghyn yn cherraghey er jeet, ta laghyn y chooilleeney er verraghtyn orroo, yiow Israel fys er: ta’n phadeyr ny ommydan, ta’n dooinney spyrrydoil ass e cheeayll, son mooadys dty vee-chraueeaght, as y jymmoose hrome.

Amos 9:7

Nagh vel shiuish myr cloan ny Ethiopianee dooys, O chloan Israel? ta’n Chiarn dy ghra. Nagh nee mish hug lhiam seose Israel ass thalloo Egypt? as ny Philistinee veih Caphtor, as ny Syrianee veih Kir?

Noo Luke 21:22

Son t’ad shoh laghyn y chooilleeney, son jannoo mie dy chooilley nhee ta scruit.

Deuteronomy 2:23

As ny Avimee va cummal ayns Hazerim, eer gys Azzah, ren ny Caphtorim haink veih Caphtor stroie, as chum ad’syn ynnyd oc)

Joshua 22:30

As tra cheayll Phinehas y saggyrt, as princeyn y cheshaght, as ard-gheiney thousaneyn Israel va mârish, ny goan va cloan Reuben, as cloan Ghad, as cloan Vanasseh, er loayrt, ghow ad lane boggey jeu.