Jeremiah 47:3 - Yn Vible Casherick 1775 1819

³ Ec feiyr stampey yngnyn e chabbil trean, ec sheean ny fainee, as tharmane ny queeylyn, bee ny ayraghyn cha lhag-lauee shen nagh bee ad abyl jeeaghyn lurg nyn gloan hene;

Jeremiah 47:3 ပူးပေါင်းရင်းမြစ်များ

Isaiah 5:28

Ny sideyn oc ta gyere, as ny bowghyn oc lhoobit, bee yngnyn ny cabbil oc myr y chlagh-flint, as ny queeylyn oc myr geay-chassee.

Jeremiah 46:9

Tar-jee seose, chabbil; as jean-jee freaney, shiuish fainee; as lhig da ny deiney-caggee marchal; ny Ethiopianee, as ny Lybianee ta gymmyrkey yn scape, as ny Lydianee ta aghtal dy hayrn as dy lhoobey yn vhow.

Jeremiah 50:42

Nee ad loaghtey yn vhow, as y shleiy: t’ad dewil, as cha jeeaghee ad myghin: nee yn coraa oc freaney myr y cheayn, as nee ad markiagh er cabbil, dagh fer jeu eillit myr dooinney son y chaggey dt’oï’s, O inneen Vabylon.

Jeremiah 8:16

Va stronneraght e chabbil er ny chlashtyn veih Dan; va’n slane cheer er-creau ec sheean shutternee e chabbil caggee; son t’ad er roshtyn, as er chur naardey yn cheer, as ooilley ny t’ayn: yn ard-valley as e cummaltee.

Ezekiel 23:24

As hig ad dt’oï lesh fainee, lesh waggonyn, as queeylyn, as lesh armee dy phobble nee soiaghey ort, lesh buckler, as scape, as helmet, cruin mygeayrt: as neem’s briwnys y hoiaghey kiongoyrt roo, as nee ad uss y vriwnys cordail rish nyn mriwnyssyn hene.

Nahum 2:4

Nee ny fainee freaney ayns ny straïdyn, nee ad roie noi-ry-hoi ayns ny raaidyn lheaney: nee ad loandernee myr lossey aile, nee ad roie myr ny tendreilyn.

Nahum 2:8

Agh ta Nineveh er-dyn chenn earish, goll-rish loghan ushtey: ny-yeih nee ad chea ersooyl. Shass-jee, jir ad, shass-jee: agh cha jean fer jeu jeeaghyn ny yeï.

Ashlish 9:9

As va oc eilley-vroggil myr yiarn; as va sheean nyn skianyn myr feiyr fainee ymmodee cabbil roie gys y chaggey.

Briwnyn 5:22

Eisht va yngnyn ny cabbil brisht liorish stampey, liorish lheimyragh nyn gabbil trean.