Jeremiah 43:9 - Yn Vible Casherick 1775 1819

⁹ Gow claghyn mooarey ayns dty laue, as follee ad fenish deiney Yudah ’sy chray ayns yn aiee-vreek, ta roish giat thie Pharaoh ayns Tahpanhes;

Jeremiah 43:9 ပူးပေါင်းရင်းမြစ်များ

2 Samuel 12:31

As hug eh lesh magh ny cummaltee v’ayn, as hug eh ad fo obbyr chreoi, lesh saaueyn, as lesh cleïn yiarn, as lesh teighyn yiarn, as dy gholl trooid obbyr yn aiee-vreek: as myr shoh ghell eh rish ooilley ard-valjyn cloan Ammon. Er shoh hyndaa David as ooilley’n pobble reesht gys Jerusalem.

Exodus 1:14

As hug ad orroo dy ve skee jeh nyn mioys lesh bondiaght creoi, ayns morter, as ayns brick, as ayns dy chooilley cheint dy obbyr vagheragh; dy chooilley vonney dy hirveish chiangle ad orroo, ve lesh dewlys.

Jeremiah 25:19

Pharaoh ree Egypt, as e hirveishee, as e phrinceyn, as ooilley e phobble.

Jeremiah 43:10

As abbyr roo, Myr shoh ta Chiarn ny flaunyssee, Jee Israel, dy ghra, Cur-my-ner, ver-yms fys er, as goyms Nebuchadrezzar ree Vabylon my harvaant, as soie-yms yn stoyl-reeoil echeysyn er ny claghyn shoh ta mee er n’ollaghey; as skeaylee eh e chabbane reeoil harrystoo.

Jeremiah 43:8

Eisht haink goo yn Chiarn gys Jeremiah ayns Tahpanhes, gra,

Jeremiah 44:30

Shoh myr ta’n Chiarn dy ghra, Cur-my-ner, ver-yms Pharaoh-hophra ree Egypt gys laue e noidyn, as gys y laue ocsyn ta shirrey e vioys, myr hug mee Zedekiah ree Yudah gys laue Nebuchadrezzar ree Vabylon, yn noid echeysyn va shirrey e vioys.

Ezekiel 4:1

Uss myrgeddin, vac y dooinney, gow hood lhiack, as lhieg royd eh, as tayrn er yn ard-valley, eer Jerusalem.

Hosea 12:10

Ta mee myrgeddin er loayrt liorish ny phadeyryn, as er vishaghey ashlishyn, as chliaghtee mee co-soylaghyn, liorish shirveish ny phadeyryn.

Nahum 3:14

Tayrn uss ushtey son y chennid, niartee dty chashtallyn: immee ayns cray, as stamp y morter, niartee yn aiee-vreek.

Jannoo 21:11

As tra v’eh er jeet hooin, ghow eh cryss Phaul, as chiangle eh e laueyn as e chassyn hene, as dooyrt eh, Shoh myr ta’n Spyrryd Noo gra, Er yn aght cheddin nee ny Hewnyn ec Jerusalem kiangley yn dooinney s’liesh yn cryss shoh, as eh y livrey gys laueyn ny Hashoonee.

Ashlish 18:21

As hrog ainle niartal clagh casley rish clagh vooar wyllin, as cheau eh eh ’sy cheayn, gra, Er yn aght shoh lesh niart breeoil vees yn ard-valley mooar shen Babylon er ny hilgey sheese, as cha bee ee arragh ry-gheddyn.