Jeremiah 43:7 - Yn Vible Casherick 1775 1819

⁷ Myr shen haink ad gys cheer Egypt: son cha dug ad biallys da coraa yn Chiarn: as shoh myr haink ad, eer gys Tahpanhes.

Jeremiah 43:7 ပူးပေါင်းရင်းမြစ်များ

2 Reeaghyn 25:26

As dirree ooilley yn pobble, chammah beg as mooar, as captanyn ny sheshaghtyn-caggee, as haink ad gys Egypt, son v’ad ayns aggle roish ny Caldeeyn.

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Isaiah 30:2

Ta gimmeeaght dy gholl sheese gys Egypt, (as cha vel ad er ghoaill coyrle ec my veeal’s,) dy niartaghey ad-hene ayns niart Pharaoh, as dy hreishteil ayns scadoo Egypt.

Isaiah 30:4

Son ta e phrinceyn ec Zoan, as haink e haghteryn reeoil gys Hanes.

Jeremiah 2:16

Myrgeddin ta cloan Noph as Tahapanes er vrishey aalid dty chione.

Jeremiah 41:17

As hie ad roue, as ghow ad nyn gummal ayns cronney Chimham, ta liorish Beth-lehem, er-chee dy gholl gys Egypt,

Jeremiah 42:21

As nish ta mee er n’insh diu, cha vel shiu er choyrt geill da coraa yn Chiarn nyn Yee ayns nhee erbee, rere bree my haghteraght.

Jeremiah 44:1

Yn goo haink gys Jeremiah, mychione ooilley ny Hewnyn ta cummal ayns cheer Egypt, ec Migdol, as ec Tahpanhes, as ec Noph, as ayns cheer Phathros, gra,

Jeremiah 44:24

Ny-sodjey dooyrt Jeremiah rish ooilley yn pobble, as rish ooilley ny mraane, eaisht-jee rish goo yn Chiarn, shiuish ooilley Yudah ta ayns cheer Egypt;

Jeremiah 46:14

Fockle-jee magh eh ayns Egypt, as cur-jee eam ayns Migdol; insh-jee magh eh ayns Noph, as ec Tahpanhes: abbyr-jee, Shass shickyr, as bee er dty hwoaie; son nee yn cliwe sluggey ooilley mygeayrt-y-mood.

Ezekiel 30:18

Ec Tehaphnehes neesht bee yn laa fo dorraghys, tra neem’s brishey ayns shen quingyn Egypt: as nee mooaralys yn niart ecksh failleil aynjee: agh son ee hene, nee bodjal ish y choodaghey, as hed ny inneenyn ecksh ayns cappeeys.