Jeremiah 42:2 - Yn Vible Casherick 1775 1819

² As dooyrt ad rish Jeremiah yn phadeyr, Cur clashtyn foayroil, ta shin guee ort, da nyn aghin, as gow padjer er nyn son gys y Chiarn dty Yee, eer son whilleen j’in as ta er-mayrn; (son ta shin faagit beggan jeh ymmodee, myr ta dty hooillyn hene fakin shin;)

Jeremiah 42:2 ပူးပေါင်းရင်းမြစ်များ

1 Reeaghyn 13:6

As dreggyr y ree as loayr eh rish yn dooinney dy Yee, Jean aghin nish gys eddin y Chiarn dty Yee, as guee er my hon, dy voddym use my laue y gheddyn reesht. As ren yn dooinney dy Yee guee gys y Chiarn, as va laue’n ree er ny laanaghey da reesht, as haink eh dy ve myr v’eh roïe.

Psalmyn 119:170

Lhig da my aghin cheet gys dt’enish: livrey mee cordail rish dty ghoo.

Exodus 8:28

As dooyrt Pharaoh, Lhig-ym y raad diu, dy vod shiu ouralley gys y Chiarn y Jee eu ayns yn aasagh; agh ny gow shiu foddey jeh: guee shiu er my hon.

Exodus 9:28

Guee-jee gys y Chiarn, (son s’lioar eh,) nagh bee arragh dy haarneeyn agglagh, as sniaghtey-garroo ayn; as neem’s y raad y lhiggey diu, as cha n’uirree shiu ny sodjey.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Isaiah 1:9

Er-be dy daag Chiarn ny flaunyssee dooin sluight fardalagh, veagh shin er ve myr Sodom, as casley rish Gomorrah.

Isaiah 37:4

Foddee eh ’ve, dy jean y Chiarn dty Yee clashtyn goan Rabshakeh, ta ree Assyria e vainshtyr er choyrt dy oltooaney yn Jee bio, as dy der eh oghsan da ny goan ta’n Chiarn dty Yee er chlashtyn: shen-y-fa trog seose dty phadjer son y fooilliagh ta faagit.

Isaiah 42:20

T’ou fakin ymmodee reddyn, agh cha vel oo goaill tastey; fosley dty chleayshyn, agh cha vel oo clashtyn.

Jeremiah 15:11

Dooyrt y Chiarn, Dy firrinagh hig eh dy mie lhiat ’sy jerrey, dy feer ver-ym er y noid cur dellal vie dhyt ’syn earish anveagh, as ’sy traa seaghnagh.

Jeremiah 2:27

Gra rish bun billey, She uss my ayr; as rish clagh, T’ou uss er my ymmyrkey: son t’ad er hyndaa nyn gooyl rhym’s, as cha nee nyn eddin; agh ayns earish nyn seaghyn jir ad, Trog seose, as saue shin.

Jeremiah 21:2

Jean briaght, ta mee guee ort, jeh’n Chiarn er y hon ain; son ta Nebuchadrezzar ree Vabylon caggey nyn ’oï; my she shen dy jean y Chiarn dellal rooin cordail rish ooilley e obbraghyn yindyssagh, as eh y chastey.

Jeremiah 36:7

Foddee eh ’ve dy jean ad chebbal nyn aghin kiongoyrt rish y Chiarn, as chyndaa dagh unnane veih e ghrogh raad: son s’mooar ta’n jymmoose as yn eulys ta’n Chiarn er n’ockley magh noi’n pobble shoh.

Jeremiah 37:20

Shen-y-fa eaisht uss nish, ta mee guee ort, O my hiarn yn ree; lhig da my aghin, ta mee geearree, ve soit jeh ayns dty hilley; nagh der oo mee reesht gys thie Yonathan y scrudeyr, er-aggle dy voym baase ayns shen.

Jeremiah 37:3

As hug y ree Zedekiah Jehucal mac Shelemiah, as Zephaniah mac Vaaseiah yn saggyrt, gys yn adeyr Jeremiah, gra, Gow padjer nish er nyn son gys y Chiarn y Jee ain.

Jeremiah 38:14

Eisht hug y ree Zedekiah fys son Jeremiah yn phadeyr, as ghow eh mârish eh gys y trass yiat jeh thie yn Chiarn: as dooyrt y ree rish Jeremiah, Ta red aym dy ênaghtyn jeed: ny jean nhee erbee y cheiltyn voym.

Jeremiah 40:15

Eisht loayr Johanan mac Chareah rish Gedaliah ec Mizpah eddyr ad-hene, gra, Lhig dou goll, ta mee guee ort, as marr-yms Ishmael mac Nethaniah gyn-yss da dooinney erbee, er-aggle dy marree eshyn uss, as dy bee ooilley ny Hewnyn t’er jeet stiagh hood er nyn skeayley, as fooilliagh Yudah dy herraghtyn.

Jeremiah 42:20

Son ren shiu molteyrys ayns nyn gree, tra hug shiu mish gys y Chiarn yn Jee eu, gra, Gow padjer er nyn son gys y Chiarn nyn Yee, as rere myr jir y Chiarn nyn Yee, insh dooin, as nee mayd eh.

Dobberan 1:1

Kys ta’n ard-valley va lane dy leih soie ny lhome-lomarcan! kys t’ee er jeet dy ve myr ben-treoghe! ish s’ooasle va mastey ny ashoonyn, as princess mastey ny rheamyn, kys t’ee er jeet dy ve fo keesh!

Ezekiel 12:16

Agh faag-yms kuse jeu veih’n chliwe, veih’n ghortey, as veih’n phaitt, dy vod adsyn ooilley nyn beccaghyn eajee y ockley magh mastey ny ashoonee, raad hig ad, as bee fys oc dy nee mish y Chiarn.

Hosea 8:10

Dy jarroo, ga dy vel ad er vailley mastey ny ashoonee, nish nee’m ad y haglym, as cha bee nyn drimshey agh giare fo errey ree ny reejereeyn.

Leviticus 26:22

Nee’m marish shoh cur beishtyn feïe ny-vud eu, nee spooilley shiu jeh nyn gloan, as stroie nyn maase, as jannoo shiuish beggan ayns earroo; as bee nyn raaidyn mooarey treigit.

Amos 7:2

As haink eh gy-kione, erreish daue v’er stroie faiyr y thallooin, eisht dooyrt mee, O Hiarn Yee, leih dooin, ta mee guee ort; quoi nee Jacob y niartaghey? son t’eh faase.

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Jannoo 8:24

Eisht dreggyr Simon, as dooyrt eh, Guee-jee shiuish gys y Chiarn er my hon, nagh jig veg jeh ny reddyn ta shiuish er loayrt, orrym.

Deuteronomy 28:62

As bee shiu faagit beggan ayns earroo, ga dy row shiu myr rollageyn yn aer ayns earroo: er-yn-oyr nagh r’ou biallagh da coraa yn Chiarn dty Yee.

Deuteronomy 28:63

As hig eh gy-kione, myr ghow yn Chiarn boggey jiu, dy yannoo mie diu, as dy vishaghey shiu: myr shen bee eh aigney yn Chiarn, dy stroie shiu, as dy choyrt shiu gys veg; as bee shiu astyrit ass y cheer, raad ta shiu goll dy chummal ayn.

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

1 Samuel 12:19

As dooyrt ooilley’n pobble rish Samuel, Guee gys y Chiarn dty Yee son dty harvaantyn, nagh vow mayd baase: son harrish as erskyn ooilley nyn beccaghyn elley ta shin er n’yannoo yn olk shoh, dy yeearree dooin ree.

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.

1 Samuel 7:8

As dooyrt cloan Israel rish Samuel, Ny scuirr dy yannoo aghin gys y Chiarn y Jee ain er nyn son, dy jean eshyn shin y hauail ass laue ny Philistinee.