Jeremiah 41:8 - Yn Vible Casherick 1775 1819

⁸ Agh va jeih deiney ry-gheddyn nyn mast’ oc, dooyrt rish Ishmael, Ny marr shin; son ta tashtaghyn follit ain ’sy vagher, dy churnaght, as dy oarn, as dy ooil, as dy vill. Myr shen lhig eh lhieu, as cha varr eh ad mastey nyn mraaraghyn.

Jeremiah 41:8 ပူးပေါင်းရင်းမြစ်များ

Lioar Yob 2:4

As dreggyr Satan y Chiarn, as dooyrt eh, Crackan son crackan; eer ooilley ny t’ec dooinney ver eh son e vioys hene.

Raaghyn Creeney 13:8

Ta e verchys leagh son bioys y dooinney: agh noi’n voght cha vel plaiynt erbee.

Isaiah 45:3

As ver-ym dhyt’s tashtaghyn y dorraghys, as berchys keillit ny ynnydyn follit, dy vod fys ’ve ayd’s, dy nee mish y Chiarn, ta geamagh ort’s liorish dty ennym, Jee Israel.

Jeremiah 41:9

Nish yn ooig, ayn hilg Ishmael ooilley kirp marroo ny deiney, v’eh er varroo marish Gedaliah, va’n ooig cheddin ren Asa yn ree ayns aggle roish Baasha ree Israel: as ren Ishmael mac Nethaniah shen y lhieeney lesh ny merriu.

Noo Mian 16:26

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

Noo Mian 6:25

Er-yn-oyr shoh ta mee gra riu, Ny bee-jee ro imneagh son nyn mea, cre ee-ys, ny cre iu-ys shiu: ny foast son nyn girp cre ver shiu miu: Nagh vel y vea ny smoo dy ve soit jeh na’n beaghey, as y corp na’n coamrey?