Jeremiah 41:7 - Yn Vible Casherick 1775 1819

⁷ As shen myr ve, tra haink ad gys mean yn ard-valley, dy ren Ishmael mac Nethaniah ad y varroo, as eisht ren eh-hene as e gheiney ad y hilgey ’syn ooig.

Jeremiah 41:7 ပူးပေါင်းရင်းမြစ်များ

2 Reeaghyn 15:25

Agh ren Pekah mac Remaliah, va ny chaptan fo, girree-magh n’oï, as woaill eh eh ayns Samaria, marish Argob, as Arieh, ayns toor phlaase yn ree: as mârishyn va jeih deiney as da-eed jeh ny Gileaditeyn: as varr eh eh, as ren eh reill ’syn ynnyd echey.

Psalmyn 55:23

O tilg dty errey er y Chiarn, as nee eh dty chummal seose: as cha lhig eh da’n fer-cairagh tuittym son dy bragh.

Raaghyn Creeney 1:16

Son ta ny cassyn oc roie gys olk, as jannoo siyr gys deayrtey folley.

Isaiah 14:19

Agh t’ou uss tilgit magh ass dty oaie, myr bangan loau, as myr coamrey ny merriu ta roight trooid lesh y chliwe, ta ceaut sheese fo claghyn yn ooig; myr corp marroo stampit fo-chosh.

Isaiah 59:7

Ta ny cassyn oc roie gys olk, as gastey dy gheayrtey fuill gyn-loght: ta ny smooinaghtyn oc smooinaghtyn dy vee-chairys; ta traartys as treihys ayns nyn raaidyn.

Ezekiel 22:27

Ta ny princeyn eck ayns e mean, myr moddee-oaldey jollyssagh lurg y spooilley, dy gheayrtey fuill, as dy stroie anmeenyn, dy gheddyn cosney neu-chairagh.

Romanee 3:15

Ta ny cassyn oc gastey dy gheayrtey fuill.