Jeremiah 41:5 - Yn Vible Casherick 1775 1819

⁵ Dy daink shiartanse veih Shechem, veih Shiloh, as veih Samaria, eer kiare-feed dooinney, lesh nyn aasaagyn baarit, as nyn eaddagh raipit, as fuill roie orroo, lesh chebballyn as ourallyn incense nyn laue, dy choyrt lhieu ad gys altar y Chiarn.

Jeremiah 41:5 ပူးပေါင်းရင်းမြစ်များ

Genesis 33:18

As haink Jacob gys Shalem, ard-valley jeh Shechem, t’ayns cheer Chanaan, tra haink eh veih Padan-aram; as hoie eh e chabbane er-gerrey da’n ard-valley.

Genesis 34:2

As tra va Shechem mac Hamor yn Hivite, prince jeh’n cheer, er vakin ee, ghow eh ee, as lhie eh mâree, er-êgin.

Genesis 37:12

As hie e vraaraghyn, dy ghoaill kiarail jeh shioltane nyn ayrey ayns Shechem.

2 Samuel 10:4

Shen-y-fa ghow Hanun sharvaantyn Ghavid, as ren eh baarey yn derrey lieh jeh ny faasaagyn oc, as yiare eh jeu nyn goamraghyn ’sy vean, kiart rish nyn geasyn, as lhig eh’n raad daue.

1 Reeaghyn 12:1

As hie Rehoboam gys Shechem: son va ooilley Israel er jeet gys Shechem, dy yannoo eh ny ree.

1 Reeaghyn 12:25

Eisht hrog Jeroboam Shechem er cronk Ephraim, as ren eh cummal ayns shen; as hie eh magh veih shen, as hrog eh Penuel.

1 Reeaghyn 16:24

As chionnee eh cronk Samaria veih Shemer son daa halent dy argid, as hrog eh ard-valley er y chronk, as yn ennym hug eh er va Samaria, lurg ennym Shemer, leshyn va’n chronk.

1 Reeaghyn 16:29

As ’sy hoghtoo vleïn yeig as feed jeh Asa ree Yudah, ghow Ahab mac Omri toshiaght dy reill harrish Israel: as ren Ahab mac Omri reill harrish Israel, ayns Samaria, daa vleïn as feed.

2 Reeaghyn 25:9

As losht eh thie yn Chiarn, as thie yn ree, as ooilley thieyn Yerusalem, as losht eh thieyn ny ard-gheiney lesh aile.

1 Recortyssyn 19:4

Shen-y-fa ghow Hanun chaghteryn Ghavid, as ren eh baarey ny faasaagyn jeu, as yiare eh ny garmadyn jeu ayns y vean kiart rish nyn gurpyn, as hug eh ad ersooyl.

Psalmyn 102:14

As cre’n-oyr? ta dty harvaantyn smooinaghtyn er ny voallaghyn eck: as s’treih lhieu dy akin ee ’sy joan.

Psalmyn 78:60

Tra cheayll Jee shoh, v’eh corree: as ghow eh jymmoose trome noi Israel;

Isaiah 15:2

T’eh er n’gholl seose er ny ard-ynnydyn dy cheayney, ec Bajith as ec Dibon; nee Moab gullyrnee harrish Nebo, as harrish Medeba; bee ooilley ny king oc meayl, as dy chooilley aasaag baarit.

Jeremiah 16:6

Yiow chammah beg as mooar baase ’sy cheer shoh: cha bee ad er nyn oanluckey, chamoo nee sleih dobberan er nyn son, tayrn fuill orroo hene, ny jannoo ad-hene meayl er nyn son.

Jeremiah 41:4

As haink eh gy-kione, yn nah laa erreish da v’er varroo Gedaliah, as nagh row briaght er jeet er,

Jeremiah 47:5

Ta Gaza er n’aase meayl; ta Ashkelon er ny yiarey jeh marish jeelym ny glionney: caïd nee oo lhottey oo hene?

Jeremiah 48:37

Son bee dy chooilley chione meayl, as dy chooilley aasaag baarit: er dy chooilley laue vees geulaghyn, as aanrit-sack er nyn meeghyn.

Jeremiah 7:12

Agh gow-jee nish gys yn ynnyd v’aym’s ayns Shiloh, raad ren mee my ennym y hoiaghey seose ec y toshiaght, as jeeagh-jee cre ren mee rish son mee-chraueeaght my phobble Israel.

Jeremiah 7:14

Neem’s jannoo rish y thie shoh ta enmyssit lurg my ennym’s, er ta shiu cur nyn marrant, as rish y voayl hug mee diuish, as da nyn ayraghyn, myr ren mee rish Shiloh.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Deuteronomy 14:1

Shiuish cloan y Chiarn nyn Yee: cha jean shiu giarey shiu hene, ny meaylid erbee y yannoo erskyn nyn sooillyn son ny merriu.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.

Joshua 24:32

As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.

Briwnyn 18:31

As hoie ad seose daue hene jalloo grainnit Vicah ooilley’n traa va thie Yee ayns Shiloh.

Briwnyn 9:1

As hie Abimelech mac Jerubbaal gys Shechem, gys braaraghyn e vayrey, as va taggloo oc ry-cheilley, as rish ooilley lught-thie ayr e voir, gra,

1 Samuel 1:7

As myr ren eh shoh dy chooilley vleïn, tra hie ad seose gys thie’n Chiarn, shoh myr ren ee brasnaghey ee; shen-y-fa cheayn ee, as cha goghe ee beaghey.