Jeremiah 41:18 - Yn Vible Casherick 1775 1819

¹⁸ Kyndagh rish ny Caldeanee: son v’ad ayns aggle roue, er-yn-oyr dy row Ishmael mac Nethaniah er varroo Gedaliah mac Ahikam, eh va ree Vabylon er n’yannoo kiannoort ny cheerey.

Jeremiah 41:18 ပူးပေါင်းရင်းမြစ်များ

2 Reeaghyn 25:22

Agh son y pobble v’er-mayrn ayns cheer Yudah, va Nebuchadnezzar ree Vabylon er n’aagail ayn, eer harrystoo shoh ren eh Gedaliah mac Ahikam, mac Shaphan, ny chiannoort.

2 Reeaghyn 25:25

As haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n sluight reeoil, as jeih deiney mârish, as woaill ad Gedaliah dy dooar eh baase, as ny Hewnyn as ny Caldeeyn va mârish ec Mizpah.

Isaiah 57:11

As quoi roish t’ou er ny ve ayns aggle ny imnea, dy vel oo er n’yannoo breg, as nagh vel oo er chooinaghtyn orrym’s, ny er n’ghoaill shoh gys dty chree? nagh vel mish er ve my host eer er-dyn chenn earish, as cha vel oo goaill aggle roym?

Jeremiah 40:5

As mannagh vel shoh neesht gys dty aigney, as eshyn, immee back reesht gys Gedaliah mac Ahikam, mac Shaphan, eh ta ree Vabylon er n’yannoo ny chiannoort harrish ard-valjyn Yudah, as jean cummal mârishyn mastey yn pobble; er-nonney gow raad erbee hee oo jesh dhyt. Myr shen doardee captan y ghard beaghey as cowrey da, as lhig eh yn raad da.

Jeremiah 42:1

Eisht haink er-gerrey ooilley ny captanyn-caggee, as Johanan mac Chareah, as Jezaniah mac Hoshaiah, as ooilley yn pobble, ard as injil,

Jeremiah 42:11

Ny bee aggle erriu roish ree Vabylon; ny gow-jee aggle roish, ta’n Chiarn dy ghra: son ta mee mêriu dy hauail shiu, as dy livrey shiu veih e laue.

Jeremiah 42:16

Eisht hig eh gy-kione, yn cliwe ta shiu ayns aggle roish, dy berree eh erriu ayns cheer Egypt, as y ghortey, nyn atchim, eiyrys chion erriu gys Egypt; as shen y raad hed shiu mow.