Jeremiah 41:1 - Yn Vible Casherick 1775 1819

¹ Nish haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n chynney reeoil, as princeyn y ree, eer jeih deiney mârish, gys Gedaliah mac Ahikam, gys Mizpah: as shen y raad d’ee ad arran cooidjagh ec Mizpah.

Jeremiah 41:1 ပူးပေါင်းရင်းမြစ်များ

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

2 Reeaghyn 11:1

As tra honnick Athaliah, moir Ahaziah, dy row e mac er ny choyrt gy-baase, hrog ee urree, as stroie ee ooilley’n sluight reeoil.

2 Reeaghyn 25:22

Agh son y pobble v’er-mayrn ayns cheer Yudah, va Nebuchadnezzar ree Vabylon er n’aagail ayn, eer harrystoo shoh ren eh Gedaliah mac Ahikam, mac Shaphan, ny chiannoort.

2 Reeaghyn 25:25

As haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n sluight reeoil, as jeih deiney mârish, as woaill ad Gedaliah dy dooar eh baase, as ny Hewnyn as ny Caldeeyn va mârish ec Mizpah.

2 Recortyssyn 22:10

Agh tra honnick Athaliah moir Ahaziah, dy row yn mac eck marroo, hrog ee urree, as stroie ee ooilley sluight reeoil thie Yudah.

Psalmyn 109:5

Nee dooinney mee-chrauee reill y ymmyrkey harrish: as shassee Noid-ny-hanmey ec e laue yesh.

Psalmyn 41:9

Dy jarroo, my charrey ainjyssagh hene, er hug mee my hreisht: eshyn neesht ren gee jeh m’arran, t’eh dy mooar farkiaght dy follit er my hon.

Raaghyn Creeney 13:10

Ynrycan liorish moyrn ta anvea brishey magh: agh ta creenaght mâroosyn ta goaill coyrle vie.

Raaghyn Creeney 27:4

Ta jymmoose red eulyssagh, as corree mee-reiltagh; agh quoi oddys shassoo roish troo?

Jeremiah 36:12

Dy jagh eh sheese gys thie yn ree, gys shamyr yn ard-scrudeyr: as cur-my-ner, va ooilley ny princeyn nyn soie ayns shen, eer Elishama yn scrudeyr, as Delaiah mac Shemaiah, as Elnathan mac Achbor, as Gemariah mac Shaphan, as Zedekiah mac Hananiah, as ooilley ny ard-gheiney.

Jeremiah 36:20

As hie ad roue gys y ree stiagh gys y chooyrt, agh hasht ad yn lioar ayns shamyr yn scrudeyr Elishama, as dinsh ad ooilley ny goan ayns clashtyn y ree.

Jeremiah 39:14

Eer adsyn hug fys, as ghow ad Jeremiah ass cooyrt y phryssoon, as livrey ad eh gys currym Ghedaliah mac Ahikam, mac Shaphan, eh dy chur lesh thie eh: myr shen ren eh baghey mastey’n pobble.

Jeremiah 40:13

As haink myrgeddin Johanan mac Chareah, as ooilley captanyn y chiartanse va fud y vagheragh, gys Gedaliah gys Mizpah,

Jeremiah 40:5

As mannagh vel shoh neesht gys dty aigney, as eshyn, immee back reesht gys Gedaliah mac Ahikam, mac Shaphan, eh ta ree Vabylon er n’yannoo ny chiannoort harrish ard-valjyn Yudah, as jean cummal mârishyn mastey yn pobble; er-nonney gow raad erbee hee oo jesh dhyt. Myr shen doardee captan y ghard beaghey as cowrey da, as lhig eh yn raad da.

Jeremiah 40:6

Eisht hie Jeremiah gys Gedaliah mac Ahikam, gys Mizpah, as chum eh mârish mastey yn pobble va faagit ’sy cheer.

Jeremiah 40:7

Nish tra cheayll ooilley ny captanyn va fud y vagheragh, eer ad-hene as nyn gheiney, dy row ree Vabylon er n’yannoo Gedaliah mac Ahikam ny chiannoort er y cheer, as er choyrt fo e churrym deiney, as mraane, as cloan, as boghtyn ny cheerey, nagh row er n’gholl ersooyl nyn gappeeyn gys Babylon;

Jeremiah 40:8

Eisht haink ad gys Gedaliah gys Mizpah, eer Ishmael mac Nethaniah, as Johanan as Jonathan mec Chareah, as Seraiah mac Tanhumeth, as mec Ephai yn Netophathite, as Jezaniah mac dy Vaachathite, adsyn as nyn gheiney

Ezekiel 17:13

As t’eh er ghoaill jeh’n sluight reeoil, as er n’yannoo conaant rish, as er n’ghoaill breearrey jeh: t’eh er n’ghoaill myrgeddin mârish deiney niartal y cheer.

Noo Ean 13:18

Cha vel mee loayrt j’iu ooilley; ta fys aym quoi ta mee er reih: agh dy vod y scriptyr ve cooilleenit, T’eshyn ta gee arran mârym, er hroggal e voyn m’oï.