Jeremiah 40:9 - Yn Vible Casherick 1775 1819

⁹ As ren Gedaliah mac Ahikam, mac Shaphan, breearrey daue hene, as da ny deiney va mâroo, gra, Ny gow-jee aggle dy ve fo ammys ny Caldeanee; cum-jee ayns y cheer, as shirveish-jee ree Vabylon, as hig shiu jeh dy mie.

Jeremiah 40:9 ပူးပေါင်းရင်းမြစ်များ

Genesis 49:15

As honnick eh dy row aash mie; as y thalloo dy row eh aalin; as chroym eh e gheaylin gys yn errey, as haink eh dy ve ny harvaant fo keesh.

2 Reeaghyn 25:24

As dauesyn, as da ny deiney va mâroo, ren Gedaliah breearrey, as dooyrt eh roo, Ny bee aggle erriu dy ve fo ny Caldeeyn: cum-jee ayns y cheer, as shirveish-jee ree Vabylon, as nee shiu farrail dy mie.

Psalmyn 128:2

Son nee oo gee jeh laboraght dty laueyn: O s’mie t’ou, as s’maynrey vees oo.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Jeremiah 27:11

Agh ny ashoonyn ta coyrt nyn mwannal fo quing ree Vabylon, as dy hirveish eh, adsyn faag-yms er-mayrn ayns y cheer oc hene, ta’n Chiarn dy ghra; as nee ad laboraght as cummal ayn.

Dobberan 1:1

Kys ta’n ard-valley va lane dy leih soie ny lhome-lomarcan! kys t’ee er jeet dy ve myr ben-treoghe! ish s’ooasle va mastey ny ashoonyn, as princess mastey ny rheamyn, kys t’ee er jeet dy ve fo keesh!

Dobberan 5:9

Lesh gaue nyn mioys, roish foyr y chliwe, hooar shin nyn arran ’syn aasagh.