Jeremiah 40:8 - Yn Vible Casherick 1775 1819

⁸ Eisht haink ad gys Gedaliah gys Mizpah, eer Ishmael mac Nethaniah, as Johanan as Jonathan mec Chareah, as Seraiah mac Tanhumeth, as mec Ephai yn Netophathite, as Jezaniah mac dy Vaachathite, adsyn as nyn gheiney

Jeremiah 40:8 ပူးပေါင်းရင်းမြစ်များ

2 Samuel 10:6

As tra dennee cloan Ammon dy row ad dy mooar er vrasnaghey David, hug ad fys as daill ad Syrianee Veth-rehob, as Syrianee Zoba, feed thousane deiney coshee, as veih ree Maacah thousane dooinney, as veih Ish-tob daa housane jeig.

2 Samuel 10:8

As haink cloan Ammon magh, as hayrn ad seose ayns order-caggee, roish giat yn ard-valley: as va Syrianee Zoba, as Rehob, as Ish-tob, as Maacah, orroo hene ’sy vagher.

2 Samuel 23:34

Eliphelet mac Ahasbai, mac yn Maachathite; Eliam mac Ahitophel yn Gilonite,

2 Reeaghyn 25:23

As tra va ooilley captanyn ny sheshaghtyn-caggee, as ny deiney oc er chlashtyn dy row ree Vabylon er n’yannoo Gedaliah yn kiannoort, haink Ishmael mac Nethaniah, Johanan mac Chareah, as Seraiah mac Tanhumeth yn Netophathite, as Jaazaniah mac Maachathite, adsyn as ny deiney oc, gys Gedaliah ec Mizpah.

2 Reeaghyn 25:25

As haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n sluight reeoil, as jeih deiney mârish, as woaill ad Gedaliah dy dooar eh baase, as ny Hewnyn as ny Caldeeyn va mârish ec Mizpah.

1 Recortyssyn 11:30

Maharai yn Netophathite, Heled, mac Baana yn Netophathite,

1 Recortyssyn 2:48

Dymmyrk Maachah co-lhiabbagh Chaleb Sheber, as Tirhanah.

1 Recortyssyn 2:54

Mac Salma; Beth-lehem, as ny Netophathiteyn, Ataroth, thie Yoab, as lieh ny Manahethiteyn, ny Zoriteyn.

Ezra 2:2

Haink marish Zerubbabel: Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, Baanah. Earroo deiney pobble Israel.

Ezra 2:22

Deiney Netophah, shey-jeig as da-eed.

Nehemiah 7:26

Deiney Veth-lehem as Netophah, keead kiare-feed as hoght.

Jeremiah 37:15

Shen-y-fa va ny princeyn corree rish Jeremiah, as woaill ad eh, as hug ad eh ayns pryssoon, ayns thie Yonathan y scrudeyr, son ersyn va currym y phryssoon.

Jeremiah 37:20

Shen-y-fa eaisht uss nish, ta mee guee ort, O my hiarn yn ree; lhig da my aghin, ta mee geearree, ve soit jeh ayns dty hilley; nagh der oo mee reesht gys thie Yonathan y scrudeyr, er-aggle dy voym baase ayns shen.

Jeremiah 38:26

Eisht jir uss roo, Hug mee stiagh aghin gys y ree, nagh jinnagh eh m’y choyrt reesht gys thie Yonathan, dy gheddyn baase ayns shen.

Jeremiah 40:11

Myr-chaagh, tra va ooilley ny Hewnyn v’ayns Moab, as mastey ny Ammoniteyn, as ayns Edom, as ayns ooilley ny cheeraghyn mygeayrt, er chlashtyn dy row ree Vabylon er vaagail fooilliagh dy Yudah, as dy row eh er hoiaghey harrystoo Gedaliah mac Ahikam, mac Shaphan;

Jeremiah 40:13

As haink myrgeddin Johanan mac Chareah, as ooilley captanyn y chiartanse va fud y vagheragh, gys Gedaliah gys Mizpah,

Jeremiah 40:14

As dooyrt ad rish, S’beg fys t’ayd dy vel Baalis ree ny Ammoniteyn er choyrt Ishmael mac Nethaniah dy dty varroo? Agh cha ren Gedaliah mac Ahikam ad y chredjal.

Jeremiah 40:15

Eisht loayr Johanan mac Chareah rish Gedaliah ec Mizpah eddyr ad-hene, gra, Lhig dou goll, ta mee guee ort, as marr-yms Ishmael mac Nethaniah gyn-yss da dooinney erbee, er-aggle dy marree eshyn uss, as dy bee ooilley ny Hewnyn t’er jeet stiagh hood er nyn skeayley, as fooilliagh Yudah dy herraghtyn.

Jeremiah 40:6

Eisht hie Jeremiah gys Gedaliah mac Ahikam, gys Mizpah, as chum eh mârish mastey yn pobble va faagit ’sy cheer.

Jeremiah 41:1

Nish haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n chynney reeoil, as princeyn y ree, eer jeih deiney mârish, gys Gedaliah mac Ahikam, gys Mizpah: as shen y raad d’ee ad arran cooidjagh ec Mizpah.

Jeremiah 41:11

Agh tra cheayll Johanan mac Chareah, as ooilley captanyn y troshid va mârish, jeh ooilley ny huilk va Ishmael mac Nethaniah er n’yannoo,

Jeremiah 41:2

Eisht dirree Ishmael mac Nethaniah, as ny jeih deiney va mârish, as woaill ad Gedaliah mac Ahikam, mac Shaphan, lesh y chliwe, as varr ad eshyn va ree Vabylon er n’yannoo ny chiannoort harrish y cheer.

Jeremiah 42:1

Eisht haink er-gerrey ooilley ny captanyn-caggee, as Johanan mac Chareah, as Jezaniah mac Hoshaiah, as ooilley yn pobble, ard as injil,

Jeremiah 42:8

Eisht deïe eh er Johanan mac Chareah, as ooilley ny captanyn-caggee va mârish, as ooilley yn pobble, ard as injil,

Jeremiah 43:2

Eisht dooyrt Azariah mac Hoshaiah, as Johanan mac Chareah, as ooilley ny mooaralee, rish Jeremiah, T’ou loayrt dy breagagh: cha vel y Chiarn y Jee ain er dty choyrt dy ghra, Ny gow-jee sheese gys Egypt dy chummal ayns shen.

Jeremiah 43:5

Agh ghow Johanan mac Chareah, as ooilley ny captanyn-caggee, ooilley jeelym Yudah v’er jyndaa dy chummal ayns cheer Yudah veih dy chooilley ashoon, raad v’ad eiyrit magh,

Deuteronomy 3:14

Ghow Jair mac Vanasseh ooilley cheer Argob, choud’s ardjyn Geshuri, as Maachathi, as denmys eh ad lurg e ennym hene, Bashan-havoth-jair, gys y laa jiu.

Joshua 12:5

As va reill ayns cronk Hermon, as ayns Salcah, as ayns ooilley Bashan, gys cagliagh ny Geshuriteyn, as ny Maachathiteyn, as lieh Ghilead, ardjyn Sihon ree Heshbon.