Eisht ghow Asa yn ree ooilley Judah, as hug ad lhieu ersooyl ny claghyn, as y fuygh, lhieu va Baasha kiarail dy niartaghey Ramah, as hrog eh lhieu Geba as Mizpah.
Eer adsyn hug fys, as ghow ad Jeremiah ass cooyrt y phryssoon, as livrey ad eh gys currym Ghedaliah mac Ahikam, mac Shaphan, eh dy chur lesh thie eh: myr shen ren eh baghey mastey’n pobble.
Nish haink eh gy-kione ayns y chiaghtoo vee, dy daink Ishmael mac Nethaniah, mac Elishama, jeh’n chynney reeoil, as princeyn y ree, eer jeih deiney mârish, gys Gedaliah mac Ahikam, gys Mizpah: as shen y raad d’ee ad arran cooidjagh ec Mizpah.
Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.