Jeremiah 40:4 - Yn Vible Casherick 1775 1819

⁴ As nish, cur-my-ner, ta mee dy dty eaysley jiu veih ny geulaghyn ta er dty laueyn. My s’taittin lhiat goll mârym gys Babylon, tar royd, as bee’m dooie rhyt; agh mannagh by-haittin lhiat goll mârym gys Babylon, jean dty aigney hene: cur-my-ner, ta ooilley yn cheer shoh royd: raad erbee dy vaik oo mie as jesh dhyt hene, gow dty chummal ayns shen.

Jeremiah 40:4 ပူးပေါင်းရင်းမြစ်များ

Genesis 13:9

Nagh vel y slane cheer kiongoyrt rhyt? jean oo hene y scarrey, ta mee guee ort, voym’s: my nee uss goll gys y laue chiare, eisht hem’s lesh y laue yesh; er-nonney my hed uss gys y laue yesh, eisht hem’s lesh y laue chiare.

Genesis 20:15

As dooyrt Abimelech, Cur-my-ner, ta’n cheer aym’s kiongoyrt rhyt; gow dty chummal raad sailt.

Genesis 44:21

As dooyrt uss rish dty harvaantyn, Cur-jee lhieu eh sheese hym’s, dy voddym soiaghey my hooillyn er.

Genesis 47:6

Ta cheer Egypt kiongoyrt rhyt, ayns yn ayrn share ’sy cheer, lhig da dt’ayr, as dty vraaraghyn cummal, ayns thalloo Ghoshen lhig daue cummal: as my shione dhyt deiney erbee aghtal ny mast’ oc, eisht soie ad son ard-vochillyn harrish y maase aym’s.

Esther 3:11

As dooyrt y ree rish Haman, Lhiat hene yn argid, as y sleih myrgeddin, dy yannoo roo lurg dty aigney hene.

Jeremiah 37:14

Eisht dooyrt Jeremiah, Cha vel yn irriney ayd; cha vel mish goll er cheu ny Caldeanee: agh cha dug eh geill da. Er shoh ghow Irijah Jeremiah, as hug eh lesh eh fenish ny princeyn.

Dobberan 3:7

T’eh er chruinnaghey mee mygeayrt nagh voddym cosney magh: t’eh er n’yannoo my gheuley trome.