Jeremiah 40:2 - Yn Vible Casherick 1775 1819

² As ghow captan y ghard Jeremiah, as dooyrt eh rish, Ta’n Chiarn dty Yee er n’ockley magh yn kerraghey shoh er yn ynnyd shoh.

Jeremiah 40:2 ပူးပေါင်းရင်းမြစ်များ

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 50:7

Quoi-erbee hooar ad, ren stroie ad: as dooyrt nyn noidyn, Cha vel shin ayns foill, son dy vel adsyn er n’yannoo peccah noi’n Chiarn, fendeilagh yn chairys; eer yn Chiarn, treishteil nyn ayraghyn.

Jeremiah 52:16

Agh daag Nebuzaradan captan y ghard reygyryn jeh boghtyn ny cheerey, dy ve mysh ny garaghyn-feeyney, as son eirinnee.

Leviticus 26:14

Agh mannagh jean shiu m’y chlashtyn, as nagh gooilleen shiu ooilley ny oardaghyn shoh;

Deuteronomy 28:15

Agh hig eh gy-kione, mannagh n’eaisht oo rish coraa’n Chiarn dty Yee, dy reayll dy tastagh ooilley e oardaghyn, as e lattyssyn ta mish dy harey dhyt jiu; dy jig ooilley ny mollaghtyn shoh ort, as berree ad ort.

Deuteronomy 31:17

Eisht bee my chorree er ny vrasnaghey nyn ’oï ’sy laa shen, as neem’s ad y hreigeil, as my eddin y hyndaa voue, as bee ad er nyn stroie, as nee ymmodee uilk, as dourinyn tuittym orroo, ayns wheesh as dy jir ad ec y traa shen, Nagh vel ny huilk shoh er jeet orrin, er-yn-oyr nagh vel y Chiarn nyn Yee ny mast’ ain?

Deuteronomy 32:19

As tra honnick y Chiarn shoh, hug eh dwoaie daue, kyndagh rish peccaghyn brasnee e vec, as e inneenyn.