Jeremiah 40:12 - Yn Vible Casherick 1775 1819

¹² Eisht hyndaa ooilley ny Hewnyn veih dy chooilley ard raad v’ad eiyrit, as haink ad gys thalloo Yudah, gys Gedaliah ayns Mizpah; as hymsee ad stiagh feeyn, as messyn souree, cooid nagh nee beggan.

Jeremiah 40:12 ပူးပေါင်းရင်းမြစ်များ

Raaghyn Creeney 27:25

Son mannagh vel y traagh cheet rish, as y faiyr meein cheet er-ash, as glassyraght ny sleityn chymsit,

Isaiah 16:9

Shen-y-fa neem’s dobberan lesh dobberan Yazer son billey-feeyney Sibmah: neem’s gushtagh oo lesh my yeïr, O Heshbon, as Elealeh; er-yn-oyr dy vel dty chiaulleeaght son dty hroar souree, as dty veilley ’syn ouyr er n’gholl naardey.

Jeremiah 40:10

Er my hon hene, cur-my-ner, nee’m cummal ec Mizpah dy hirveish ny Caldeanee hig hooin: agh shiuish, chaggle-jee feeyn as messyn souree, as ooil, as jean-jee stoyr jeu, as cum-jee ayns nyn ard-valjyn ta shiu er reayll.

Jeremiah 40:13

As haink myrgeddin Johanan mac Chareah, as ooilley captanyn y chiartanse va fud y vagheragh, gys Gedaliah gys Mizpah,

Jeremiah 41:10

Eisht hug Ishmael lesh ersooyl nyn gappeeyn ooilley fooilliagh yn phobble va ec Mizpah, eer inneenyn y ree, as ooilley yn pobble va er-mayrn ayns Mizpah, va Nebuzaradan captan y ghard er livrey gys Gedaliah mac Ahikam; as hug Ishmael mac Nethaniah lesh ersooyl ad nyn gappeeyn, as hrog eh er dy gholl harrish gys ny Ammoniteyn.

Jeremiah 43:5

Agh ghow Johanan mac Chareah, as ooilley ny captanyn-caggee, ooilley jeelym Yudah v’er jyndaa dy chummal ayns cheer Yudah veih dy chooilley ashoon, raad v’ad eiyrit magh,

Jeremiah 44:18

Agh er-dyn traa scuirr shin dy lostey incense gys queen yn aer, as dy lhieeney magh ourallyn-feeyney jee, ta shin er ve feme dy chooilley nhee, as er n’gholl naardey liorish y chliwe as y ghortey.

Ezekiel 34:6

Ren ny kirree aym’s rouail trooid ooilley ny sleityn, as er dagh cronk ard: dy jarroo va my hioltane er ny skeayley feaï-ny-cruinney, as cha ren fer erbee ronsagh ny briaght nyn yeï.