Jeremiah 40:11 - Yn Vible Casherick 1775 1819

¹¹ Myr-chaagh, tra va ooilley ny Hewnyn v’ayns Moab, as mastey ny Ammoniteyn, as ayns Edom, as ayns ooilley ny cheeraghyn mygeayrt, er chlashtyn dy row ree Vabylon er vaagail fooilliagh dy Yudah, as dy row eh er hoiaghey harrystoo Gedaliah mac Ahikam, mac Shaphan;

Jeremiah 40:11 ပူးပေါင်းရင်းမြစ်များ

Genesis 36:8

Er-yn-oyr shoh chum Esau ayns slieau Seir: ta Esau Edom.

Isaiah 11:14

Agh nee ad getlagh er geayltyn ny Philistinee lesh y sheear; nee ad spooilley adsyn jeh’n shiar cooidjagh: nee ad nyn laue y lhie er Edom as Moab; as ver cloan Ammon biallys daue.

Isaiah 16:4

Lhig da ny eebyrtee aym’s cummal mayrt’s, Voab: bee uss scaa dauesyn veih eddin y spooilleyder: son ta’n chenjagh ec kione, ta’n cragheyder harrish, ta ny tranlaasee stroit ass y cheer.

Jeremiah 24:9

As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 41:10

Eisht hug Ishmael lesh ersooyl nyn gappeeyn ooilley fooilliagh yn phobble va ec Mizpah, eer inneenyn y ree, as ooilley yn pobble va er-mayrn ayns Mizpah, va Nebuzaradan captan y ghard er livrey gys Gedaliah mac Ahikam; as hug Ishmael mac Nethaniah lesh ersooyl ad nyn gappeeyn, as hrog eh er dy gholl harrish gys ny Ammoniteyn.

Jeremiah 43:5

Agh ghow Johanan mac Chareah, as ooilley ny captanyn-caggee, ooilley jeelym Yudah v’er jyndaa dy chummal ayns cheer Yudah veih dy chooilley ashoon, raad v’ad eiyrit magh,

Jeremiah 43:6

Eer deiney, as mraane, as cloan, as inneenyn y ree, as dy chooilley pheccagh daag Nebuzaradan captan y ghard, marish Gedaliah mac Ahikam, mac Shaphan, as Jeremiah yn phadeyr, as Baruch mac Neriah.

Jeremiah 9:26

Er Egypt, as Judah, as Edom, as cloan Ammon, as Moab, as ooilley ny t’ayns ny corneilyn sodjey magh, ta cummal ’syn aasagh: son ta ooilley ny ashoonyn shoh nyn jymmyltee, as ta ooilley thie Israel nyn jymmyltee ayns cree.

Ezekiel 25:12

Myr shoh ta’n Chiarn dy ghra, Er-yn-oyr dy vel Edom er ghellal dy eulyssagh rish thie Yudah, ayns goaill cooilleeney dewil, as dy mooar er heaghney ad, as er ghoaill cooilleen-aigney jeu.

Ezekiel 25:2

Soie uss dty eddin noi ny Ammoniteyn, as jean phadeyrys noi ocsyn;

Ezekiel 25:6

Son myr shoh ta’n Chiarn Jee dy ghra, Er-yn-oyr dy vel uss er woalley dty vassyn, as er stampey lesh dty chassyn, as er ghoaill boggey ayns dty chree lesh ooilley dty vyskid noi cheer Israel:

Ezekiel 25:8

Myr shoh ta’n Chiarn Jee dy ghra, Er-yn-oyr dy vel Moab as Seir gra, Cur-my-ner ta thie Yudah goll-rish ooilley ny ashoonee:

Ezekiel 34:6

Ren ny kirree aym’s rouail trooid ooilley ny sleityn, as er dagh cronk ard: dy jarroo va my hioltane er ny skeayley feaï-ny-cruinney, as cha ren fer erbee ronsagh ny briaght nyn yeï.

Ezekiel 35:15

Myr ghow uss boggey er eiraght Israel, son dy row eh follym-faase, myr shen neem’s rhyt’s: bee oo dty hraartys, O lieau Seir, as ooilley Idumea, eer y slane jeh, as bee fys oc, dy nee mish y Chiarn.

Ezekiel 35:5

Er-yn-oyr dy vel ayd goanlys fraueit ayns dty chree, as dy vel oo er gheayrtey fuill cloan Israel, liorish dewilys y chliwe, ayns earish nyn seaghyn, tra v’ad ec jerrey nyn ghrogh-yannoo:

Ezekiel 5:12

Yiow yn trass ayrn jeed baase lesh y phaitt, as lesh gortey bee ad er ny choyrt mow cheu-sthie jeed; as nee trass ayrn tuittym liorish y chliwe mygeayrt-y-mood; as trass ayrn nee’m y skeayley lesh dy chooilley gheay, as nee’m cliwe y hayrn geiyrt orroo.

Ezekiel 5:3

Nee oo myrgeddin kuse fardalagh jeu y ghoaill, as kiangley ad ayns fillaghyn dty choamrey.

Earrooyn 22:1

As hie cloan Israel er nyn doshiaght, as hoie ad nyn gamp ayns cheer rea Voab, er y cheu shoh dy Yordan, liorish Jericho.

Earrooyn 25:1

As ren Israel campal ayns Shittim, as ren y pobble toshiaght dy yannoo maarderys rish inneenyn Voab.

Earrooyn 25:2

As ren ad yn pobble y chuirrey gys ourallyn ny jeeghyn oc: as ren y pobble gee, as croymmey sheese gys ny jeeghyn oc.

1 Samuel 11:1

Eisht haink Nahash yn Ammonite seose, as ren eh campal noi Jabesh-gilead: as dooyrt ooilley deiney Yabesh rish Nahash, Jean conaant rooin, as nee mayd oo y hirveish.

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.