Jeremiah 4:6 - Yn Vible Casherick 1775 1819

⁶ Soie-jee seose yn mergey lesh Zion: reue-jee, ny jean-jee cumrail; son ver-yms lhiam olk veih’n twoaie, as traartys trome.

Jeremiah 4:6 ပူးပေါင်းရင်းမြစ်များ

Isaiah 62:10

Trooid lhieu, immee-jee trooid ny giattyn; kiartee-jee yn raad roish y pobble; tilg-jee seose, tilg-jee seose yn raad-mooar; chymsee-jee ersooyl ny claghyn: trog-jee seose mergey da’n pobble.

Jeremiah 10:22

Cur-my-ner, ta sheean y naight er jeet, as irree-magh dewil ass y cheer my-hwoaie, dy yannoo ard-valjyn Yudah ny hraartys, as ooig son dragonyn.

Jeremiah 18:11

Nish er-y-fa shen, gow royd, loayr rish deiney Yudah, as rish cummaltee Yerusalem, gra, Myr shoh ta’n Chiarn dy ghra, Cur-jee my-ner, ta mee kiarail olk nyn ’oï, as ta mee smooinaghtyn son kerraghey dy choyrt erriu: chyndaa-jee nish dagh unnane veih e ghrogh raad, as jean-jee nyn raaidyn as nyn obbraghyn y lhiasaghey.

Jeremiah 21:7

As ny lurg shen, ta’n Chiarn dy ghra, neem’s Zedekiah ree Yudah, as e harvaantyn, as e phobble, as fooilliagh y chramp ’syn ard-valley shoh, as ny ta faagit veih’n chliwe, as veih’n ghortey, y livrey gys laue Nebuchadrezzar ree Vabylon, as gys laue nyn noidyn, as gys y laue ocsyn ta shirrey nyn mioys: as nee eh ad y woalley lesh foyr y chliwe; cha jean eh foayr y yeeaghyn daue, chamoo vees chymmey ny myghin echey orroo.

Jeremiah 22:7

As ver-ym stroideryn dt’oï, dy chooilley unnane lesh e ghreinyn; as giaree ad sheese dty reih biljyn-cedar, as tilgee ad ’syn aile ad.

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 4:21

Caïd hee-ym yn mergey-caggee, as caïd chlin-ym sheean y trumpet?

Jeremiah 50:2

Insh-jee magh mastey ny ashoonyn, as lhig daue clashtyn, as soie-jee seose yn mergey; cur-jee eam, as ny jean-jee keiltyn: abbyr-jee, Ta Babylon goit, ta Bel currit naardey, ta Merodach brisht ayns peeshyn; ta ny jeeghyn eck bun-ry-skyn, ny jallooyn eck nyn beeshyn mynney.

Jeremiah 50:22

Ta tharmane caggee ’sy cheer, as dy chragh trome.

Jeremiah 51:12

Cur-jee seose yn mergey er voallaghyn Vabylon, niartee-jee yn arrey, soie-jee ny arreyderyn, cur-jee sleih dy lhie cooyl-chlea: son ta’n Chiarn chammah er chiarail, as er n’yannoo mie ny t’eh er loayrt noi cummaltee Vabylon.

Jeremiah 51:27

Soie-jee seose mergey ayns y cheer, sheid-jee yn trumpet mastey ny ashoonyn, soie-jee ny ashoonyn urree, muster-jee cooidjagh noi eck reeriaghtyn Ararat, Minni, as Ashchenaz; reih-jee captan noi eck; lhig da ny cabbil cheet seose myr ny braddagyn mollagh.

Jeremiah 51:54

Ta sheean yn eam cheet veih Babylon, as dy chragh trome veih cheer ny Caldeanee:

Jeremiah 6:1

O shiuish chloan Venjamin, chaggle-jee shiu hene cooidjagh dy chosney ersooyl ass mean Yerusalem, as jean-jee yn trumpet y heidey ayns Tekoa, as soie-jee seose aile cronnal ayns Beth-haccerem: son ta olk troggal ass y twoaie, as lhome-hraartys.

Jeremiah 6:22

Shoh myr ta’n Chiarn dy ghra, Cur-my-ner, ta pobble cheet veih’n cheer twoaie, as nee ashoon mooar troggal veih slystyn y theihll.

Ezekiel 9:1

Deïe eh myrgeddin ayns my chlashtyn lesh ard-choraa, gra, Lhig dauesyn ta currym yn ard-valley orroo, tayrn er-gerrey, eer dy chooilley ghooinney lesh e ghreïe ghunveragh ny laue.

Ezekiel 9:2

As cur-my-ner, haink shey deiney veih raad y yiat syrjey ta lesh y twoaie, as dy chooilley ghooinney lesh greïe-chaggee ny laue: as va un dooinney ny mast’ oc v’er ny choamrey lesh aanrit, lesh inkhorn scrudeyr rish e lhiattee, as hie ad stiagh, as hass ad liorish yn altar prashey.

Zephaniah 1:10

As hig eh gy-kione ayns y laa shen, ta’n Chiarn dy ghra, dy bee yllaghey dy cheayney veih giat ny eeastee, as gullal veih yn nah yiat, as tharmane vooar veih ny croink.

Zechariah 6:6

As ta ny cabbil doo t’ayn, goll magh gys y cheer-twoaie, as ta ny banee goll magh geiyrt orroo; as ta ny cabbil glassey goll magh gys y cheer-jiass.