Jeremiah 4:31 - Yn Vible Casherick 1775 1819

³¹ Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.

Jeremiah 4:31 ပူးပေါင်းရင်းမြစ်များ

Genesis 27:46

As dooyrt Rebekah rish Isaac, Ta mee skee jeh my vioys kyndagh rish inneenyn Heth: my ghoys Jacob ben jeh inneenyn Heth, lheid as t’ad shoh inneenyn y cheer, cre sheeagh dou my vioys?

Lioar Yob 10:1

Ta mee skee jeh my vioys: neem’s m’accan y cheau orrym pene; neem’s loayrt ayns angaish m’annym.

Psalmyn 120:5

Ta m’annym’s er chummal foddey ny-vud ocsyn: ta nyn noidyn da shee.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Isaiah 13:8

As bee ad agglagh: gowee angaish as trimshey greme orroo; bee ad ayns pian myr ben er-troailt; bee ad seaghnit yn derrey yeh ec y jeh elley; nee nyn eddin jiargaghey myr aile.

Isaiah 21:3

Er-y-fa shen ta my veeghyn guint lesh pian; ta pianyn er my ghreimmey, myr pianyn ben ta er-troailt: va mee crubbit sheese ec clashtyn eh; va mee agglit ec y chilley echey.

Isaiah 26:17

Myr ta ben torragh ayns pian, ta tayrn er-gerrey gys traa yn livrey eck, as geamagh magh ayns e angaish; myr shen ta shinyn er ve ayns dty hilley, O Hiarn.

Isaiah 42:14

S’foddey ta mee er ve my host; ta mee er lhiggey shaghey, as dreill mee orrym pene: nish ver-ym eam gyere myr ben er-troailt; nee’m stroie as sluggey seose er-y-chooyl.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Jeremiah 10:19

Smerg dooys kyndagh rish yn assee t’aym! ta my lhott angaishagh: agh dooyrt mee, Dy firrinagh ta shoh my cherraghey trome, as shegin dou eh y ymmyrkey.

Jeremiah 13:21

Cre jir oo tra nee eh dty cherraghey? (son t’ou er n’ynsaghey ad dy ve nyn gaptanyn, as dy reill harryd;) nagh jean trimshey oo y ghreimmey, myr ben er-troailt?

Jeremiah 14:18

My hem magh ’sy vagher, eisht cur-my-ner ad shen ta stroit lesh y chliwe! as my hem stiagh ’syn ard-valley, eisht cur-my-ner adsyn t’ayns raad y vaaish lesh y ghortey! dy jarroo, ta chammah yn phadeyr as yn saggyrt goll mygeayrt gys cheer nagh vel oayll oc er.

Jeremiah 15:18

Cre’n-fa ta my ghuin kinjagh? as my lhott nagh vel saase ny chour? bee uss dooys er aght erbee myr molteyr, as myr ny ushtaghyn ta failleil?

Jeremiah 18:21

Shen-y-fa livrey uss seose nyn gloan da’n ghortey, as deayrt magh yn uill oc lesh niart y chliwe; as lhig da ny mraane oc ve er nyn roostey jeh nyn gloan, as ve nyn mraane-treoghe; as ny deiney oc ve er nyn goyrt gy-baase; lhig da ny deiney aegey oc ve stroit lesh y chliwe ayns caggey.

Jeremiah 22:23

O chummaltagh Lebanon, ta jannoo dty edd ayns ny biljyn-cedar, kys nee oo gaccan tra hig pianyn ort, angaish myr t’ec ben er-troailt!

Jeremiah 30:6

Fênee-jee nish, as jeeagh-jee my ta dooinney er-troailt er lhiannoo? cre’n-fa eisht ta mee fakin dy chooilley ghooinney as e laueyn er e veeghyn, myr ben er-troailt, as drogh neeal er dy chooilley eddin?

Jeremiah 45:2

Myr shoh ta’n Chiarn Jee Israel dy ghra rhyt’s, O Varuch;

Jeremiah 48:41

Ta Kerioth goit, as ny cashtallyn lajer greimmit, as bee creeaghyn deiney-caggee Voab ec y laa shen myr cree ben ayns pianyn troailt.

Jeremiah 49:22

Cur-my-ner, hig eh seose, as nee eh getlagh myr urley, as sheeyney magh e skianyn harrish Bozrah: as er y laa shen bee cree treanee Edom myr cree ben er-troailt.

Jeremiah 49:24

Ta Damascus er n’aase moal, as kiartagh ee hene son chea, as ta aggle er ghreimmey ee: ta angaish as pianyn er ghoaill ee, myr ben er-troailt.

Jeremiah 50:43

Haink skeeal jeu gys ree Vabylon, as daase eh lhag-lauee; ren angaish eh y ghreimmey, as pianyn myr ben er-troailt.

Jeremiah 6:2

Ta mee er hoylaghey inneen Zion gys aber aalin as menoyr.

Dobberan 1:17

Ta Zion skeayley magh e laueyn, as cha vel fer erbee dy gherjaghey ee: ta’n Chiarn er harey mychione Jacob, dy beagh e noidyn mygeayrt-y-mysh: ta Jerusalem myr ben veeoil ny-vud oc.

Dobberan 1:20

Cur-my-ner, O Hiarn, son ta mee ayns êgin; ta my annym seaghnit aynym; ta my chree chyndaït cheu-sthie jee’m, son dy mooar ta mee er n’irree-magh: yn cliwe er feaï-ny-cruinney ta roostey, as cheu-sthie ny voallaghyn ta’n baase.

Dobberan 2:21

Ta shenn as aeg nyn lhie er y thalloo ayns ny straïdyn, ta my voidynyn, as my gheiney aegey, er duittym liorish y chliwe: t’ou er varroo ad ayns laa dty yymmoose, t’ou er varroo gyn erreeish.

Hosea 13:13

Hig ersyn pianyn ben ta er-troailt, t’eh mac mee-cheeayllagh, son cha lhisagh eh fuirriaght foddey ayns strepyn y chloan.

Micah 4:10

Bee ayns pian as deinagh dy chur son y theihll, O inneen Zion, myr ben er-troailt: son nish hed oo magh ass yn ard-valley, as bee dty chummal fud y vagheragh, as hed oo eer gys Babylon; shen y raad, bee oo er dty livrey: shen y raad, nee yn Chiarn oo y eaysley veih laue dty noidyn.

Micah 4:9

Nish cre’n-fa t’ou gaccan dy ard? vel ree erbee aynyd? vel dty choyrleyder er jerraghtyn? son ta pianyn er n’ghoaill greme ort myr ben er-troailt.

Micah 7:1

Smerg dooys! son ta mee myr adsyn ta mysh chaglym ny messyn souree, as jeelym y fouyr-feeyney: cha vel dhossan aym jeu dy ee: ga dy vel my annym geearree yn vess toshee.

Noo Mian 21:5

Insh-jee da inneen Sion, Cur-my-ner, ta dty ree cheet hood dy imlee, as ny hoie er assyl, as er lhiy sharragh assyl.

1 Corinthianee 9:16

Son ga dy vel mee preacheil y sushtal, cha vel veg aym dy voggyssagh ass: son ta’n êgin shoh lhie orrym; dy jarroo, smerg dou mannagh jean-ym y sushtal y phreacheil.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.