Jeremiah 4:30 - Yn Vible Casherick 1775 1819

³⁰ As tra t’ou er dty roostey, cre oddys oo jannoo? Ga dy vel oo coamrey oo hene lesh crimson, ga dy vel oo soiaghey magh oo hene lesh aalid airh, ga dy vel oo caghlaa cummey dty eddin lesh paint, ayns fardail t’ou soiaghey magh oo hene dy stoamey; nee dty gheiney-sooree beg y hoiaghey jeed, nee ad shirrey dty vioys.

Jeremiah 4:30 ပူးပေါင်းရင်းမြစ်များ

2 Reeaghyn 9:30

As tra va Jehu er jeet gys Jezreel, cheayll Jezebel jeh; as hug ee paint er e eddin, as vreid ee e kione, as yeeagh ee magh er uinniag.

Raaghyn Creeney 6:25

Ny lhig da dty chree ve soit er yn aalid eck, as ny lhig j’ee oo y chleayney lesh ferrooghyn e sooill.

Raaghyn Creeney 7:10

As cur-my-ner haink ben ny whail, ayns coamrey strumpag, as jeh cree croutagh.

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Isaiah 20:6

As jir cummaltee yn ellan shoh ayns y laa shen, Cur-my-ner, lheid shoh ta’n jerkal ain, raad ta shin chea son cooney dy v’er nyn livrey veih ree Assyria: as kys nee mayd scapail?

Isaiah 33:14

Ta aggle er ghreimmey ny peccee t’ayns Zion; ta creau doaltattym er ghoaill ny crauee-oalsey: quoi ny mast’ ain oddys cummal ayns yn aile lhome-loshtee! quoi nyn mastey oddys surranse ayns loshtaghyn dy bragh farraghtyn!

Jeremiah 13:21

Cre jir oo tra nee eh dty cherraghey? (son t’ou er n’ynsaghey ad dy ve nyn gaptanyn, as dy reill harryd;) nagh jean trimshey oo y ghreimmey, myr ben er-troailt?

Jeremiah 22:23

O chummaltagh Lebanon, ta jannoo dty edd ayns ny biljyn-cedar, kys nee oo gaccan tra hig pianyn ort, angaish myr t’ec ben er-troailt!

Jeremiah 30:14

Ta ooilley dty ghraihderyn er dty yarrood; cha vel nyn aigney hood: son ta mee er dty lhottey lesh lhott noidey, lesh smaghtaghey fer dewil, son mooadys dty vee-chairys; son dy row dty pheccaghyn ymmodee.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 1:2

T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Dobberan 4:17

Er y hon ainyn, ta nyn sooillyn er vailleil trooid treishteil fardalagh nyn gooney: ayns nyn arrey yeeagh shin son ashoon, nagh voddagh sauail shin.

Ezekiel 28:13

T’ou er ny ve ayns Eden garey Yee; dy chooilley chlagh chostal va dty choodagh, yn sardius, topaz, as y diamond, yn beryl, yn onyx, as y jasper; yn sapphire, yn emerald, as y carbuncle, as airh: va stoo obbrit dty habretyn, as ny feddanyn kiarit er dty hon, er-dyn laa v’ou troggit.

Ezekiel 28:9

Jean oo foast gra kiongoyrt rishyn ta stroie oo, Ta mish my Yee? agh she dooinney vees oo, as cha nee Jee ’sy laue echeysyn ta dy stroie oo.

Obadiah 1:7

Ta ooilley dty gheiney-coonee er dty hayrn gys oirr dty chagliagh: ta adsyn v’ayns shee rhyt er dty volley, as er chosney ort: ta dty ghoaldee er hoiaghey ribbey lhottee er dty hon: cha vel veg y tushtey ayn.

Hebrewnee 2:3

Kys oddys shinyn scapail, my nee mayd mee-rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Ashlish 17:13

T’ad shoh jeh’n un aigney, as livreyee ad nyn booar as nyn niart da’n veisht.

Ashlish 17:2

Mâree ta reeaghyn y theihll er n’yannoo maarderys, as ta cummaltee ny hooirey er ve er-meshtey lesh feeyn e maarderys.

Ashlish 17:4

As va’n ven coamrit lesh purple, as scarleod, as soit magh dy stoamey lesh airh, as jewellyn costal, as pearlyn, lesh cappan airh ayns e laue, lane dy eajeeys, as broïd e maarderys.