Jeremiah 4:3 - Yn Vible Casherick 1775 1819

³ Son myr shoh ta’n Chiarn dy ghra rish deiney Yudah as Yerusalem, Brish-jee seose yn thalloo banejagh eu, as ny cuirr-jee mastey drineyn.

Jeremiah 4:3 ပူးပေါင်းရင်းမြစ်များ

Genesis 3:18

Drineyn myrgeddin as onnaneyn nee eh gymmyrkey dhyt: as nee oo beaghey er lhuss y vagher.

Exodus 23:11

Agh y chiaghtoo vleïn ver oo fea da, as lhiggee oo eh ve bane; dy vod boghtyn dty phobble beaghey: as y fooilliaght oc, nee maase y vagheragh gee. Er yn aght cheddin nee oo rish dty gharey-feeyney, as rish dty gharey-olive.

Hosea 10:12

Cuirr-jee diu hene ayns cairys, buinn-jee ayns myghin: brish-jee seose yn thalloo banejagh eu: son te traa dy hirrey yn Chiarn, derrey hig eh dy gheayrtey neose cairys orrin.

Noo Mian 13:22

Eshyn myrgeddin ghow yn rass mastey ny drineyn, yn fer ta clashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu-vessoil.

Noo Mian 13:7

As huitt paart mastey drineyn: as daase ny drineyn seose as phloogh ad eh.

Noo Mark 4:7

As huitt paart mastey drineyn, as daase ny drineyn seose mârish, as phloogh ad eh, as cha dymmyrk eh mess.

Noo Luke 8:14

As shen huitt mastey drineyn, yn vooinjer, tra t’ad er chlashtyn, ta goll magh as ta plooghit lesh kiarail as berchys, as eunyssyn y vea shoh, as cha vel ad gymmyrkey magh mess gys lhieeney vie.

Noo Luke 8:7

As huitt paart mastey drineyn, as daase ny drineyn seose mârish, as phloogh ad eh.