Jeremiah 4:26 - Yn Vible Casherick 1775 1819

²⁶ Yeeagh mee, cur-my-ner, va’n cheer messoil ny aasagh, as va ooilley ny ard-valjyn echey lhieggit sheese kionfenish y Chiarn, as liorish eulys e yymmoose.

Jeremiah 4:26 ပူးပေါင်းရင်းမြစ်များ

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Psalmyn 76:7

T’ou uss, dy jarroo uss as aggle dy ve er ny ghoaill royd: as quoi oddys shassoo ayns dty hilley tra t’ou corree?

Jeremiah 12:13

T’ad er chuirr curnaght, agh nee ad drineyn y vuinn; t’ad er ghoaill niart tooilleil orroo hene, agh gys beggan ymmyd: s’moal vees nyn moggey jeh nyn droar, kyndagh rish jymmoose hrome y Chiarn.

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 25:11

As bee yn slane cheer ny aasagh, as ny atchim; as nee ny ashoonyn shoh shirveish ree Vabylon three-feed bleïn as jeih.

Jeremiah 7:34

Eisht ver-yms gys fea ayns ard-valjyn Yudah, as ayns straïdyn Yerusalem, yn coraa dy vingys, as y kiaull dy yennallys, coraa yn dooinney-poosee, as coraa yn ven-phoosee; son bee’n cheer ny hraartys.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Dobberan 2:7

Ta’n Chiarn er n’yiooldey rish e altar: t’eh er chur dwoaie da e hiamble casherick: t’eh er livrey gys laue y noid voallaghyn ny plaaseyn eck; t’ad er hroggal seose nyn goraa ayns thie’n Chiarn, myr ayns laa’n feailley casherick.

Leviticus 26:31

As ver-yms naardey nyn ard-valjyn, as stroie-ym ny chiambleyn eu: as cha jean-ym soiagh jeh nyn ourallyn-millish.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.