Jeremiah 4:25 - Yn Vible Casherick 1775 1819

²⁵ Yeeagh mee, as cur-my-ner, cha row dooinney ry-akin, as va ooilley eeanlee’n aer er n’etlagh roue.

Jeremiah 4:25 ပူးပေါင်းရင်းမြစ်များ

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Jeremiah 9:9

Nagh jean-yms ad y smaghtaghey son ny peccaghyn shoh? ta’n Chiarn dy ghra: nagh jean m’annym’s cooilleeney y ghoaill er lheid yn ashoon shoh?

Ezekiel 38:20

Myr shen dy bee eeastyn ny marrey, as eeanlee yn aer, as maase y vagheragh, as ooilley cretooryn snauee y thallooin, as ooilley ny deiney t’er feaï-ny-cruinney tilgit bun-ry-skyn ec my enish, as bee ny sleityn er nyn lhieggal, as bee ny ynnydyn corragh craait sheese, as nee dy chooilley voalley tuittym gys y thalloo.

Hosea 4:3

Shen-y-fa nee’n cheer dobberan, as hed ooilley ny cummaltee t’ayn naardey, marish maase y vagher, as eeanlee yn aer, nee eer eeastyn ny marrey cherraghtyn.