Jeremiah 4:24 - Yn Vible Casherick 1775 1819

²⁴ Yeeagh mee er ny sleityn, as cur-my-ner, v’ad er-creau, as ren ooilley ny croink craa dy corragh.

Jeremiah 4:24 ပူးပေါင်းရင်းမြစ်များ

Ezekiel 38:20

Myr shen dy bee eeastyn ny marrey, as eeanlee yn aer, as maase y vagheragh, as ooilley cretooryn snauee y thallooin, as ooilley ny deiney t’er feaï-ny-cruinney tilgit bun-ry-skyn ec my enish, as bee ny sleityn er nyn lhieggal, as bee ny ynnydyn corragh craait sheese, as nee dy chooilley voalley tuittym gys y thalloo.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Isaiah 5:25

Shen-y-fa ta corree yn Chiarn er ny oaddey noi e phobble, as t’eh er heeyney magh e laue nyn ’oï, as er woalley ad: myr shen dy row ny croink er-creau, as va ny kirp marroo oc er ny raipey ayns mean ny straïdyn. Son ooilley shoh cha vel e chorree er ny hyndaa ersooyl, agh ta e laue foast er ny heeyney magh.

Micah 1:4

As fosyn bee ny sleityn lheït as scoltaghyn ayns ny coanyn; myr kere-volley roish yn aile, as myr ny ushtaghyn ta roie sheese lesh yn eaynee.

Psalmyn 97:4

Ren ny tendreilyn echey soilshey y choyrt da’n seihll: honnick y thalloo shen, as ve agglit.

Psalmyn 18:7

Va’n thalloo er ny ghleashagh, as ren eh craa: va eer undinyn ny sleityn neesht er-creau, as v’ad er ny scughey, ec e yymmoose.

1 Reeaghyn 19:11

As dooyrt eh, Tar magh, as shass er y chronk kiongoyrt rish y Chiarn. As cur-my-ner, hie’n Chiarn shaghey, as ren geay vooar cassee as lajer raipey ny sleityn, as scoltey ayns peeshyn ny creggyn kiongoyrt rish y Chiarn; agh cha row’n Chiarn ’sy gheay shen: as lurg yn gheay craa-hallooin; agh cha row yn Chiarn ’sy chraa-hallooin:

Habakkuk 3:10

Honnick ny sleityn oo, as v’ad er-creau; ren ny thooillaghyn ushtey lhieeney harrish: ren y diunid freaney lesh e choraa, as gatt seose dy ard er dagh cheu.

Habakkuk 3:6

Hass eh, as ren eh towshan y thalloo: hug eh my-ner, as ren eh skeayley ny ashoonyn, as va ny sleityn foddey beayn tilgit bun-ry-skyn, ren ny croink syrjey croymmey: ta e raaidyn son dy bragh.

Jeremiah 8:16

Va stronneraght e chabbil er ny chlashtyn veih Dan; va’n slane cheer er-creau ec sheean shutternee e chabbil caggee; son t’ad er roshtyn, as er chur naardey yn cheer, as ooilley ny t’ayn: yn ard-valley as e cummaltee.

Psalmyn 77:18

Va feiyr dty haarnagh er ny chlashtyn dy chooilley raad mygeayrt: ren dty hendreil cur soilshey er y thalloo, va’n ooir er ny ghleashaght, as ooilley er-creau.

Ashlish 6:14

As hie’n aer ass shilley myr duillag lioar ta fillit; as va dy chooilley lieau as ellan scughit ass nyn undin:

Exodus 19:18

As va cronk Sinai ooilley fo yaagh, son dy daink y Chiarn neose er ayns aile: as hie yn jaagh echey seose, myr jaagh coirrey, as va craa-hallooin mooar ayns ooilley’n clieau.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Isaiah 13:13

Shen-y-fa neem’s craa ny niaughyn, as nee’n ooir scughey ass e ynnyd ayns jymmoose Chiarn ny flaunyssee, as ayns laa e yymmoose hrome.

Isaiah 24:20

Nee’n thalloo leaystey noon as noal myr dooinney meshtal, as bee eh er ny astyrt myr bwaag; as bee e loght errey hrome er; as nee eh tuittym, as cha n’irree eh arragh.