Jeremiah 4:22 - Yn Vible Casherick 1775 1819

²² Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 4:22 ပူးပေါင်းရင်းမြစ်များ

Genesis 39:16

As hasht ee seose e gharmad lioree, derrey haink y chiarn echey thie.

2 Samuel 13:3

Agh va carrey ec Amnon, va’n ennym echey Jonadab, mac Shimeah, braar Ghavid: as va Jonadab dooinney feer chroutagh.

Psalmyn 36:3

Ta goan e veeal neu-ynrick as lane dy oalsaght: t’eh er vaagail jeh dy ymmyrkey eh-hene dy creeney, as jeh jannoo dy mie.

Psalmyn 36:4

T’eh smooinaghtyn er olk er e lhiabbee, as cha vel eh er hoiaghey eh-hene ayns raad mie erbee: chamoo t’eh cur dwoaie da’n red ta olk.

Psalmyn 53:4

Agh t’ad ooilley er gholl ass y raad, t’ad ooilley-cooidjagh er jeet dy ve feohdoil: cha vel unnane myrgeddin ta jannoo dy mie, cha vel eer unnane.

Psalmyn 82:5

Cha nailliu ’ve ynsit, chamoo nee ad toiggal y ghoaill, agh goll er nyn doshiaght kinjagh ayns dorraghys: ta ooilley undinyn y thallooin ass nyn goorse.

Raaghyn Creeney 28:5

Cha vel deiney olkyssagh toiggal briwnys: agh adsyn ta shirrey yn Chiarn, t’ad toiggal dagh nhee.

Isaiah 1:3

Shione da’n dow yn er s’liesh eh, as yn assyl cratch e vainshtyr: agh cha nhione da Israel mish, cha vel my phobble smooinaghtyn orrym.

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Jeremiah 10:8

Agh t’ad ooilley-cooidjagh bolvaneagh as gyn tushtey; ta’n jalloo ny ynsagh dy ardalys.

Jeremiah 13:23

Vod yn Ethiopian daah e chrackan y chaghlaa, ny’n leopard e spuitt? eisht foddee shiuish myrgeddin jannoo dy mie, t’er chliaghtey dy chur-rish olk.

Jeremiah 2:8

Cha dooyrt ny fir-ynsee, Cre vel y Chiarn? as adsyn va’n leigh er nyn gurrym, cha bione daue mee: ny fir-reill myrgeddin ren ad olk m’oï, as ren ny phadeyryn phadeyrys liorish Baal, as hie ad geiyrt er fardail gyn-ymmyd.

Jeremiah 4:21

Caïd hee-ym yn mergey-caggee, as caïd chlin-ym sheean y trumpet?

Jeremiah 5:21

Clasht-jee rish shoh nish, O phobble vee-cheeayllagh, as gyn tushtey; ta sooillyn eu, as cha vel shiu fakin; ta cleayshyn eu, as cha vel shiu clashtyn:

Jeremiah 5:4

Shen-y-fa dooyrt mee, Son shickyrys t’ad shoh nyn moghtyn; t’ad giare-cheeayllagh: son cha vel toiggal oc jeh raad y Chiarn, ny briwnys nyn Yee.

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Jeremiah 9:5

As nee dagh unnane e naboo y volley, as cha loayree ad yn irriney: t’ad er chliaghtey nyn jengey gys breagyn, as t’ad deinagh ayns jannoo olk.

Ezekiel 16:30

Cre cha faase ta dty chree, ta’n Chiarn Jee dy ghra, fakin dy vel oo cur-rish ooilley ny reddyn shoh, obbyr ben-streebee ard-vooaralagh!

Hosea 4:1

Eaisht-jee rish goo yn Chiarn, shiuish chloan Israel: son ta cooish ec y Chiarn rish cummaltee ny cheerey, son nagh vel ynrickys, ny myghin, ny tushtey dy Yee ayns y cheer.

Hosea 4:6

Ta my phobble’s goll naardey son laccal tushtey: son dy vel uss er n’yiooldey rish tushtey, jioold-yms myrgeddin rhyt’s, nagh bee oo ny-sodjey son saggyrt dooys: fakin dy vel oo er yarrood leigh dty Yee’s, neem’s myrgeddin yn chloan ayd’s y yarrood.

Hosea 5:4

Cha jean ad lhiasaghey nyn ymmyrkey-bea, dy hyndaa gys y Jee oc: son ta’n spyrryd dy vaarderys nyn mastey, as cha vel enney er ve oc er y Chiarn.

Amos 3:10

Son cha vel geill oc da cairys, ta’n Chiarn dy ghra; quoi ta stoyral seose berchys ayns nyn blaaseyn liorish tranlaase as roosteyrys.

Micah 2:1

Smerg dauesyn ta shêgin er mee-chairys, as smooinaghtyn er yn olk er nyn lhiabbaghyn! cha leah’s ta’n moghrey soilshaghey t’ad cur rish, er-yn-oyr dy vel eh ayns pooar nyn laue.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

Noo Luke 16:8

As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Ean 16:3

As ny reddyn shoh nee ad riu, er-yn-oyr nagh vel enney oc er yn Ayr, ny orrym’s.

Romanee 1:22

Goaill orroo hene dy ve creeney, haink ad dy ve nyn ommydanyn:

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 16:19

Son ta’n viallys euish er ny imraa mastey dy chooilley ghooinney. Ta mee er-y-fa shen goaill boggey er y lieh eu: agh ny-yeih baillym shiu ve tastagh gys shen ny ta mie, as ôney mychione olk.

Romanee 3:11

Cha vel fer erbee ta toiggal, cha vel fer erbee ta shirrey lurg Jee.

1 Corinthianee 14:20

Vraaraghyn, ny bee-jee nyn gloan ayns tushtey: ny-yeih ayns olkys bee-jee myr cloan, agh ayns toiggal bee-jee deiney.

Deuteronomy 32:28

Son ashoon ad nagh gow coyrle, chamoo ta veg y tushtey ayndoo.

Deuteronomy 32:6

Nee shoh myr ta shiu dy chooilleeney’n Chiarn, O phobble ommijagh, as mee-cheeayllagh? nagh nee eshyn dty ayr ren dty chionnaghey? nagh nee eshyn ren dty chroo, as dty niartaghey?