Jeremiah 4:21 - Yn Vible Casherick 1775 1819

²¹ Caïd hee-ym yn mergey-caggee, as caïd chlin-ym sheean y trumpet?

Jeremiah 4:21 ပူးပေါင်းရင်းမြစ်များ

2 Recortyssyn 35:25

As ren Jeremiah dobberan son Josiah, as ren ooilley ny arranee chammah deiney as mraane gimraa er Josiah ayns nyn gronneeaght trimshagh gys y traa t’ayn, as va shoh son oardagh ayns Israel: as cur-my-ner, t’ad scruit ayns lioar y dobberan.

2 Recortyssyn 36:10

As ec kione ny bleeaney, hug ree Nebuchadnezzar fys, as hug eh lesh eh gys Babylon, marish siyn aalin thie’n Chiarn, as ren eh Zedekiah e vraar ny ree harrish Judah as Jerusalem.

2 Recortyssyn 36:17

Shen-y-fa hug eh lesh orroo ree ny Caldeanee, ren ny deiney aegey oc y varroo lesh y chliwe, ’sy chiamble casherick, as cha row chymmey erbee oc er dooinney aeg, ny moidyn, er shenn ghooinney, ny ersyn va croymmey lesh eash: livrey eh ad ooilley gys e laue.

2 Recortyssyn 36:3

As scugh ree Egypt sheese eh veih reill ayns Jerusalem, as hug eh yn cheer fo keesh dy cheead talent dy argid as talent dy airh.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Jeremiah 4:20

Ta traartys er traartys er ny eam, son ta’n slane cheer spooillit: doaltattym ta my chabbaneyn rooishtit, as my churtanyn ’sy tullogh.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 42:14

Gra, Cha jean; agh hem mayd gys cheer Egypt, raad nagh vaik mayd caggey, as nagh glin mayd sheean y trumpet, as nagh bee genney arran, as shen y raad nee mayd baghey:

Jeremiah 6:1

O shiuish chloan Venjamin, chaggle-jee shiu hene cooidjagh dy chosney ersooyl ass mean Yerusalem, as jean-jee yn trumpet y heidey ayns Tekoa, as soie-jee seose aile cronnal ayns Beth-haccerem: son ta olk troggal ass y twoaie, as lhome-hraartys.