Jeremiah 4:2 - Yn Vible Casherick 1775 1819

² As shoh myr nee oo loo y ghoaill, Myr ta’n Chiarn bio, ayns firrinys, ayns briwnys, as ayns ynrickys; as nee ny ashoonyn ad hene y vannaghey aynsyn, as aynsyn nee ad boggyssagh.

Jeremiah 4:2 ပူးပေါင်းရင်းမြစ်များ

Genesis 22:18

As ayns dty luight, vess ooilley ashoonyn y theihll er nyn mannaghey: er-y-fa dy vel oo er choyrt biallys da my choraa.

1 Reeaghyn 3:6

As dooyrt Solomon, T’ou er hoilshaghey da dty harvaant David my ayr myghin mooar, myr ren eh gimmeeaght kiongoyrt rhyt’s ayns firrinys, as ayns cairys, as ayns ynrickys cree mayrt; as t’ou uss er reayll ny chour yn chenjallys vooar shoh, dy vel oo er choyrt mac da dy hoie er e stoyl-reeoil, myr te ’sy laa t’ayn jiu.

Psalmyn 72:17

Nee yn ennym echey farraghtyn son dy bragh, bee yn ennym echey er-mayrn fo’n ghrian mastey ny sheelogheyn ta foast ry-heet: vees er nyn mannaghey ny hrooidsyn, as nee ooilley ny ashoonyn eh y voylley.

Psalmyn 99:4

Ta pooar y ree graihagh er briwnys; t’ou er hoiaghey seose cairys: t’ou er chooilleeney briwnys as ynrickys ayns Jacob.

Isaiah 45:23

Ta mee er vreearrey liorym pene, ta’n fockle er n’gholl magh ass my veeal ayns ynrickys, as cha jean eh chyndaa, dy nee hym’s nee dy chooilley ghlioon lhoobey, dy chooilley hengey breearrey.

Isaiah 45:25

Ayns y Chiarn bee ooilley sluight Israel er ny heyrey, as nee ad boggyssagh.

Isaiah 65:16

Dy jean eshyn ta bannaghey eh-hene er y thalloo, eh-hene y vannaghey ayns Jee yn ynrickys; as eshyn ta loo er y thalloo, nee eh loo liorish Jee yn ynrickys; er-yn-oyr dy vel yn chenn seaghyn jarroodit, as dy vel ad keillit veih my hooillyn.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Jeremiah 12:15

As hig eh gy-kione, lurg dou ve er n’eiyrt ad magh chyndaa-ym reesht, as bee’m chymmoil orroo, as ver-ym lhiam reesht dy chooilley ghooinney gys e eiraght, as dy chooilley ghooinney gys e halloo.

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Jeremiah 3:17

Ec y traa shen nee ad genmys Jerusalem stoyl-reeoil y Chiarn; as bee dy chooilley ashoon er ny haglym stiagh ayn, gys ennym y Chiarn, ayns Jerusalem: chamoo nee ad geiyrt ny-sodjey lurg smooinaghtyn yn chree roonagh oc hene.

Jeremiah 33:9

As bee eh dooys ennym dy voggey, moylley as ooashley mastey ooilley ashoonyn y thallooin, nee clashtyn jeh ooilley my vieys ta mish dy yannoo daue: as gowee ad aggle, as bee ad er-creau, son ooilley ny bannaghtyn, as ooilley yn vaynrys, ta mee dy chosney daue.

Jeremiah 5:2

As ga t’ad breearrey, gra, Liorish y Chiarn bio; son shickyrys t’ad goaill loo oaiagh.

Jeremiah 7:5

Son my nee shiu nyn slane ymmyrkey-bea as nyn obbraghyn y lhiasaghey; my ver shiu dy firrinagh briwnys cair eddyr dooinney as dooinney;

Jeremiah 9:24

Agh lhig dasyn ta boggyssagh, boggyssagh ayns shoh, dy vel toiggal as tushtey echey jeem’s, dy nee mish y Chiarn ta soilshaghey kenjallys-ghraihagh, briwnys, as cairys, er y thalloo: son ayns ny reddyn shoh ta mee goaill taitnys, ta’n Chiarn dy ghra.

Hosea 2:19

As nee’m oo y nastey rhym pene son dy bragh, dy jarroo nasht-ym oo rhym pene ayns cairys, as ayns briwnys, as ayns kenjallys-ghraihagh, as ayns myghinyn.

Joel 2:12

Shen-y-fa myrgeddin nish, ta’n Chiarn dy ghra, Chyndaa-jee dy jarroo hym’s, lesh ooilley nyn gree, as lesh trostey, as lesh keayney, as lesh dobberan.

Zechariah 8:8

As ver-ym lhiam ad, as nee ad cummal ayns mean Yerusalem, as bee ad my phobble’s, as beem’s yn Jee ocsyn ayns firrinys as ynrickys.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

1 Corinthianee 1:31

Son, myr te scruit, Eshyn ta boggyssagh, lhig da boggyssagh, ayns y Chiarn.

2 Corinthianee 10:17

Agh eshyn ta boggyssagh, lhig da boggyssagh ayns y Chiarn.

Galatianee 3:8

As y scriptyr fakin ro-laue dy jinnagh Jee seyrey ny Ashoonee trooid credjue, ren preacheil roish nish yn sushtal gys Abraham, gra, Aynyd’s vees dy chooilley ashoon er ny vannaghey.

Deuteronomy 10:20

Nee oo aggle y ghoaill roish y Chiarn dty Yee, eshyn nee oo y hirveish, as huggeysyn nee oo lhiantyn, as loo liorish e ennym.

Deuteronomy 4:30

As tra t’ou ayns seaghyn, as tra hig ooilley ny reddyn shoh ort, ayns ny laghyn jerrinagh, my nee oo chyndaa gys y Chiarn dty Yee, as ve biallagh da e choraa:

Deuteronomy 6:13

Nee oo aggle y ghoaill roish y Chiarn dty Yee, as shirveish eh, as nee oo loo liorish e ennym.

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Ruth 3:13

Fuirree noght raad t’ou, as mairagh, my nee eh cooilleeney currym dooinney-mooinjerey, s’mie te; lhig da shen y yannoo: agh my obbys eh dy chooilleeney currym dooinney-mooinjerey, eisht, myr ta’n Chiarn bio, neem’s yn currym shen ’chooilleeney: lhie sheese derrey’n voghrey.

1 Samuel 20:3

As loo David ny-sodjey, as dooyrt eh, Ta fys ec dty ayr son firrinys dy vel mee er gheddyn foayr ayns dty hilley; as t’eh gra, Cha nhegin fys v’ec Jonathan er shoh, er-aggle dy bee eh trimshey da: agh cha firrinagh as ta’n Chiarn bio, cha vel agh kesmad eddyr mish as y vaase.