Jeremiah 4:19 - Yn Vible Casherick 1775 1819

¹⁹ My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Jeremiah 4:19 ပူးပေါင်းရင်းမြစ်များ

Genesis 49:6

O m’annym, ny gow uss ayrn ’sy choyrle follit oc; gys y cheshaght oc, O my ooashley, ny bee uss er dty lhiantyn: son ayns y chorree oc, ren ad dooinney ’ghunverys, as ayns dewlys nyn farg, lhieg ad sheese voallaghyn,

2 Reeaghyn 4:19

As dooyrt eh rish e ayr, My chione, my chione! As dooyrt eh rish scollag, Cur lhiat eh gys e voir.

2 Reeaghyn 8:11

As yeeagh eh cha gyere ’syn eddin echey, derrey ren eh jiargaghey: as cheayn y dooinney dy Yee.

Psalmyn 103:1

Bannee yn Chiarn, O m’annym: as ooilley ny ta cheu-sthie jee’m bannee e Ennym casherick.

Psalmyn 116:7

Chyndaa reesht eisht gys dt’ea, O my annym: son ta’n Chiarn er dty chooilleeney.

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Psalmyn 119:53

Ta mee fo aggle atchimagh: er coontey ny mee-chrauee ta treigeil dty leigh.

Psalmyn 146:1

Jean y Chiarn y voylley, O m’annym; choud as s’bio mee ver-ym moylley da’n Chiarn: dy jarroo, choud as vee’m er-mayrn, goym arraneyn-moyllee gys my Yee.

Psalmyn 16:2

O m’annym, t’ou er ghra rish y Chiarn: Uss my Yee, cha vel my chooid-seihlt, dy ve soylit hood’s.

Isaiah 15:5

Nee my chree dobberan son Moab; nee ny scapailtee echey chea gys Zoar, myr colbagh three bleeaney: son lesh keayney hed ad seose lesh ughtagh Luhith; son ayns raad Horonaim troggee ad eam traartys.

Isaiah 16:11

Shen-y-fa nee my veeghyn feiyral myr claasagh son Moab, as eer my chree son Kir-haresh.

Isaiah 21:3

Er-y-fa shen ta my veeghyn guint lesh pian; ta pianyn er my ghreimmey, myr pianyn ben ta er-troailt: va mee crubbit sheese ec clashtyn eh; va mee agglit ec y chilley echey.

Isaiah 21:4

Ren my chree pandoogh, hug aggle atchim aynym: t’eh er hyndaa yn oie dy yennallys aym gys oie agglagh dou.

Isaiah 22:4

Er-y-fa shen dooyrt mee, Ny jeeagh-jee orrym; neem’s keayney dy sharroo, ny shir-jee dy my gherjaghey; er-yn-oyr dy vel ad er spooilley inneen my phobble.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Jeremiah 23:9

Ta my chree brisht cheu-sthie jee’m kyndagh rish ny phadeyryn foalsey; ta ooilley my chraueyn er-creau: ta mee myr dooinney er-meshtey, as myr dooinney ta feeyn er ghoaill niart er, ayns my ghraih jeean gys y Chiarn, as gys goan e chasherickys.

Jeremiah 4:21

Caïd hee-ym yn mergey-caggee, as caïd chlin-ym sheean y trumpet?

Jeremiah 4:5

Jean-jee shoh y hoilshaghey ayns Judah, as fockley-magh eh ayns Jerusalem; as abbyr-jee, Sheid-jee yn trumpet ayns y cheer: Yllee-jee, tar-jee cooidjagh, as abbyr-jee, Chaggle-jee, shiu hene dy cheilley, as lhig dooin cosney stiagh gys ny ard-valjyn voallit.

Jeremiah 42:14

Gra, Cha jean; agh hem mayd gys cheer Egypt, raad nagh vaik mayd caggey, as nagh glin mayd sheean y trumpet, as nagh bee genney arran, as shen y raad nee mayd baghey:

Jeremiah 49:2

Shen-y-fa, cur-my-ner, ta ny laghyn cheet, ta’n Chiarn gra, dy der-yms er larm-caggee dy ve ry-chlashtyn ayns Rabbah ny Ammoniteyn; as bee eh ny charnane traartagh, as bee ny inneenyn ecksh losht lesh aile: eisht bee Israel ny eirey dauesyn, va ny eiraghyn echeysyn, ta’n Chiarn dy ghra.

Jeremiah 50:22

Ta tharmane caggee ’sy cheer, as dy chragh trome.

Jeremiah 6:24

Ta shin er chlashtyn skeeal jeu; ta ny laueyn ain gaase moal: ta angaish er ghoaill greme orrin, as pian myr ben er-troailt.

Jeremiah 8:18

Tra ta mee son gerjagh y gheddyn noi trimshey, ta my chree traashtit cheu-sthie jee’m.

Jeremiah 8:21

Son doghan inneen my phobble ta mee doghanit; ta mee ’sy dorraghys doo; ta atchim er my ghreimmey.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 1:20

Cur-my-ner, O Hiarn, son ta mee ayns êgin; ta my annym seaghnit aynym; ta my chree chyndaït cheu-sthie jee’m, son dy mooar ta mee er n’irree-magh: yn cliwe er feaï-ny-cruinney ta roostey, as cheu-sthie ny voallaghyn ta’n baase.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Daniel 7:15

Va mish Daniel seaghnit ayns my spyrryd, cheu-sthie jeh my chorp, as va ashlishyn my chione dy my voirey.

Daniel 7:28

Choud shoh ta jerrey yn chooish. Er my hon’s Daniel, va my smooinaghtyn dy my heaghney, as neeal my eddin er ny chaghlaa orrym, agh dreill mee yn chooish ayns my chree.

Daniel 8:27

As huitt mish Daniel my-neealloo, as va mee ching son earish: lurg shen hrog mee orrym, as hie mee mysh cooishyn y ree, as va mee ayns yindys dowin ec yn ashlish, agh va shoh gyn-yss da fer erbee.

Amos 3:6

Bee trumpet er ny heidey ayns yn ard-valley, as gyn y pobble ve agglit? bee seaghyn ayn, as nagh nee yn Chiarn t’er n’yannoo eh?

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.

Earrooyn 10:9

As my hed shiu gys caggey ayns y cheer eu hene, noi’n noid ta jannoo tranlaase erriu, eisht nee shiu sheidey larm-caggee lesh ny trumpetyn; as nee’n Chiarn y Jee eu cooinaghtyn erriu, as bee shiu er nyn sauail veih nyn noidyn.

Romanee 10:1

Vraaraghyn, yeearree my chree as my phadjer gys Jee son Israel te, dy voddagh ad ve er nyn sauail.

1 Corinthianee 14:8

Son my ta’n cayrn coyrt kiaull neu-chooie, quoi nee eh-hene y chiartaghey son y chaggey?

Galatianee 4:19

My chloan veggey, jiuish ta mee reesht myr ayns pianyn troailt, derrey vees Creest er ny chummey ayndiu.

Briwnyn 5:21

Ren awin Kishon sceabey ad ersooyl, yn shenn awin cheddin, awin Kishon. O my annym, t’ou er choyrt niart fo-chosh.