16 Jean-jee imraa jeh da ny ashoonyn; cur-my-ner, insh-jee magh eh noi Jerusalem, dy vel scrialtee cheet veih cheer foddey, as cur magh nyn goraa noi ard-valjyn Yudah.
Tar-jee er-gerrey, shiuish ashoonyn, dy chlashtyn; as eaisht-jee, shiuish phobble; lhig da’n ooir clashtyn, as ooilley ny ta ayn; yn seihll, as ooilley ny te dy ymmyrkey.
Son cur-my-ner, neem’s geamagh er ooilley cummaltee reeriaghtyn y twoaie, ta’n Chiarn dy ghra; as hig ad, as nee ad soiaghey dagh fer jeu e stoyl-reeoil eddyr giattyn Yerusalem, as noi ooilley e voallaghyn cruin mygeayrt, as noi ooilley ard-valjyn Yudah.
Yiow chammah beg as mooar baase ’sy cheer shoh: cha bee ad er nyn oanluckey, chamoo nee sleih dobberan er nyn son, tayrn fuill orroo hene, ny jannoo ad-hene meayl er nyn son.
Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.
Ayns y nuyoo vleïn jeh reill Zedekiah ree Yudah, ayns y jeihoo vee, haink Nebuchadrezzar ree Vabylon as ooilley yn armee echey noi Jerusalem, as chruinnee ad stiagh eh ooilley mygeayrt.
Cur-my-ner, ver-yms lhiam erriu ashoon veih foddey, O hie Israel, ta’n Chiarn dy ghra: te ny ashoon niartal, te ny henn ashoon, ashoon nagh nhione dhyt y ghlare oc, chamoo t’ou, toiggal cre t’ad dy ghra.
Er-y-fa shen nee lion ass y cheyll adsyn y stroie, as nee moddey-oaldey ’syn astyr ad y raipey, nee leopard freayll arrey er ny ard-valjyn oc: bee dy chooilley unnane ta goll magh assdoo er ny raipey ayns peeshyn; er-yn-oyr dy vel y drogh-yannoo oc ymmodee, as y cooyl-skyrraghtyn oc goaill niart.
Insh-jee magh mastey ny ashoonyn, as lhig daue clashtyn, as soie-jee seose yn mergey; cur-jee eam, as ny jean-jee keiltyn: abbyr-jee, Ta Babylon goit, ta Bel currit naardey, ta Merodach brisht ayns peeshyn; ta ny jeeghyn eck bun-ry-skyn, ny jallooyn eck nyn beeshyn mynney.
Lhig da’n seihll clashtyn; cur-my-ner, ver-yms lhiam olk er y pobble shoh, eer mess ny smooinaghtyn oc hene, er-yn-oyr nagh vel ad er n’eaishtagh rish my ghoan’s, ny rish my leigh’s, agh er hoiaghey beg jeh.
Nee ad yn vhow as yn shleiy y loaghtey; t’ad dewil, as gyn myghin: ta’n sheean oc freaney myr yn aarkey; as t’ad markiagh er cabbil, myr deiney soit ayns order-caggee dt’oï, O inneen Zion.
Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?
Ec y laue yesh va’n oalys son Jerusalem, dy phointeil captanyn, dy osley yn veeal ayns y dunverys, dy hroggal seose coraa lesh yllaghey, dy oardaghey greïnyn brishee noi ny giattyn, dy cheau seose carnane, as dy hroggal toor-caggee.