Jeremiah 4:12 - Yn Vible Casherick 1775 1819

¹² Eer geay dorrinagh veih ny ardjyn shen hig hym’s: nish myrgeddin ver-yms briwnys nyn ’oï.

Jeremiah 4:12 ပူးပေါင်းရင်းမြစ်များ

Psalmyn 11:6

Ta’n Chiarn lowal jeh’n sleih cairagh: agh ta dwoaie ec e annym er y vee-chrauee, as ersyn ta shleeuit er olkys.

Jeremiah 1:16

As neem’s my vriwnyssyn y ockley magh noi oc son ooilley yn vee-chraueeaght ocsyn, t’er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

Jeremiah 4:11

Ec y traa shen bee eh graït rish y pobble shoh as rish Jerusalem, Geay fowanagh veih sleityn ard yn aasagh noi inneen my phobble, cha nee son fasney, ny son reealley.

Jeremiah 4:13

Cur-my-ner, hig eh seose myr bodjallyn, as e ainee myr geay-chassee: ta e chabbil ny s’bieau na urlee. Smerg dooinyn! son ta shin spooillit.

Jeremiah 51:1

Myr shoh ta’n Chiarn dy ghra, Cur-my-ner trog-yms seose geay dorrinagh noi Babylon, as noi ny cummaltee eck, mâroosyn ta girree-magh m’oï;

Ezekiel 5:8

Shen-y-fa myr shoh ta’n Chiarn Jee dy ghra, Cur-my-ner ta mish, dy jarroo mish hene, dt’oï, as ayns dty vean’s goym cooilleeney jeed’s ayns shilley ny ashoonyn.

Hosea 13:15

Ga dy vel eh messoil mastey e vraaraghyn, hig geay-niar er, hig lomman lajer veih’n Chiarn seose ass yn aasagh, as chyrmee eh seose ny farraneyn-geill echey, as hed ny strooanyn ushtey echey naardey, nee eh spooilley ooilley tashtaghyn ny siyn aalin.

Habakkuk 1:11

Eisht bee e chree er ny chaghlaa, as hed eh magh fo kerraghey, son lhiasaghey shoh e phooar gys e yee.