Jeremiah 4:11 - Yn Vible Casherick 1775 1819

¹¹ Ec y traa shen bee eh graït rish y pobble shoh as rish Jerusalem, Geay fowanagh veih sleityn ard yn aasagh noi inneen my phobble, cha nee son fasney, ny son reealley.

Jeremiah 4:11 ပူးပေါင်းရင်းမြစ်များ

Psalmyn 11:6

Ta’n Chiarn lowal jeh’n sleih cairagh: agh ta dwoaie ec e annym er y vee-chrauee, as ersyn ta shleeuit er olkys.

Isaiah 22:4

Er-y-fa shen dooyrt mee, Ny jeeagh-jee orrym; neem’s keayney dy sharroo, ny shir-jee dy my gherjaghey; er-yn-oyr dy vel ad er spooilley inneen my phobble.

Isaiah 27:8

Ayns towse, tra t’ou dy chur magh eh, nee oo pleadeil rish: t’eh lhiettal e gheay rastagh rish traa yn gheay-niar.

Isaiah 41:16

Fasnee oo ad, as hed ad lesh y gheay, as nee geay-chassee ad y scaalheaney: as gowee oo boggey ayns y Chiarn, as nee oo boggyssagh ayns Jee casherick Israel.

Isaiah 64:6

Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta’n neu-chairys ain, myr y gheay, er heebey shin ersooyl.

Jeremiah 13:24

Shen-y-fa nee’m ad y skeayley myr coau t’er ny heebey ersooyl lesh geay yn aasagh.

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 23:19

Cur-my-ner ta geay-chassee yn Chiarn er n’gholl magh ayns eulys, eer geay-chassee dewil; tuittee eh dy trome er kione ny mee-chrauee.

Jeremiah 4:12

Eer geay dorrinagh veih ny ardjyn shen hig hym’s: nish myrgeddin ver-yms briwnys nyn ’oï.

Jeremiah 8:19

Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Jeremiah 9:7

Shen-y-fa shoh myr ta Chiarn ny pooaraghyn flaunyssagh dy ghra, Cur-my-ner, neem’s ad y lheïe, as y phrowal; as shoh myr nee’m rish inneen my phobble.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 3:48

Ta my hooill roie sheese lesh strooanyn ushtey, kyndagh rish toyrt-mow inneen my phobble.

Dobberan 4:10

Ta laueyn ny mraane erreeishagh er n’aarlagh yn chloan oc hene, v’ad yn beaghey oc ayns toyrt-mow inneen my phobble.

Dobberan 4:3

Ta eer raunyn ny marrey tayrn magh nyn sheeintyn, t’ad cur keeagh da ny quallianyn oc: ta inneen my phobble er n’aase dewil, myr ny ostrichyn ayns yn aasagh.

Dobberan 4:6

Son ta kerraghey mee-chairys inneen my phobble ny s’trimmey na kerraghey peccah Sodom, va stroit myr ayns shallid, as cha row laue dooinney urree.

Ezekiel 17:10

Dy jarroo, cur-my-ner, nish te soit, jig eh er y hoshiaght? nagh jean eh dy bollagh fioghey, tra ta’n gheay-niar dy lomman eh? nee eh creenagh ayns ny creaghyn raad daase eh.

Ezekiel 19:12

Agh v’ee er ny astyrt ayns eulys, v’ee tilgit sheese gys y thalloo, as ren y gheay-niar shirgaghey seose ny messyn eck: va ny slattagyn lajer eck brisht as fiojit, stroie yn aile ad.

Hosea 13:15

Ga dy vel eh messoil mastey e vraaraghyn, hig geay-niar er, hig lomman lajer veih’n Chiarn seose ass yn aasagh, as chyrmee eh seose ny farraneyn-geill echey, as hed ny strooanyn ushtey echey naardey, nee eh spooilley ooilley tashtaghyn ny siyn aalin.

Hosea 13:3

Shen-y-fa bee ad myr bodjal y vadran, as myr y druight moghey, ta lheïe ersooyl, myr y coau ta eebrit lesh y gheay-chassee jeh’n laare-vooie, as myr y jaagh ass y chymlee.

Hosea 4:19

Ta’n gheay er chiangley seose ee ayns e skianyn, as bee nearey orroo jeh nyn ourallyn.

Habakkuk 1:11

Eisht bee e chree er ny chaghlaa, as hed eh magh fo kerraghey, son lhiasaghey shoh e phooar gys e yee.

Habakkuk 1:6

Son cur-my-ner, nee’m greinnaghey seose ny Caldeanee, yn ashoon elgyssagh shen as gaskeydagh, nee marchal trooid lheead y cheer, dy ghoaill daue hene cummallyn, nagh vel nyn eiraght.

Noo Mian 3:12

Ta’n cleayst echey ayns e laue, as nee eh dy bollagh e laare-vooie y ghlenney, as gowee eh e churnaght stiagh ayns e hie-tashtee: agh loshtee eh yn choau lesh aile nagh bee er ny vooghey.

Noo Luke 3:17

Ta’n cleayst echey ayns e laue, as fasnee eh dy bollagh e laare-vooie, as gowee eh yn churnaght stiagh ayns e hie-tashtee; agh yn coau nee eh y lostey lesh aile nagh bee er ny vooghey.