Jeremiah 39:9 - Yn Vible Casherick 1775 1819

⁹ Eisht hug Nebuzaradan, captan y ghard, lesh ersooyl nyn gappeeyn gys Babylon fooilliagh yn phobble va er-mayrn ayns yn ard-valley, as adsyn ren tuittym lesh, as haink harrish huggey, marish yn chooid elley jeh’n sleih va faagit.

Jeremiah 39:9 ပူးပေါင်းရင်းမြစ်များ

Genesis 37:36

As chreck ny Midianiteyn eh ayns Egypt, rish Potiphar, fer-oik fo Pharaoh, as captan e ghard.

2 Reeaghyn 20:18

AS jeh dty vec hig jeed’s, nee oo y gheddyn, nee ad ’ghoaill ersooyl; as bee ad shirveishee ayns plaase ree Vabylon.

2 Reeaghyn 25:11

Nish yn chooid elley jeh’n pobble va faagit ayns yn ard-valley, as adsyn hie harrish gys ree Vabylon, marish ymmodee elley, hug Nebuzaradan captan y ghard lesh ersooyl.

2 Reeaghyn 25:20

As ghow Nebuzaradan, captan y ghard, ad shoh, as hug eh lesh ad gys ree Vabylon gys Riblah.

Isaiah 5:13

Shen-y-fa ta my phobble er n’gholl ayns cappeeys, er-yn-oyr dy vel ad gyn tushtey; as ta ny deiney oc er n’gholl neeu ’sy ghortey, as ta’n slane pobble oc craghit lesh paays,

Jeremiah 10:18

Son myr shoh ta’n Chiarn dy ghra, Cur-my-ner, neem’s cummaltee yn cheer y slingal magh ’sy tullogh, as nee’m ad y heaghney, dy vod ad gennaghtyn dy vel eh myr shoh.

Jeremiah 16:13

Shen-y-fa neem’s shiu y heebey magh ass y cheer shoh, gys cheer nagh nhione diu, chamoo shiuish ny nyn ayraghyn; as ayns shen nee shiu jeeghyn joarree y hirveish laa as oie, raad nagh jean-ym foayr y yeeaghyn diu.

Jeremiah 24:8

As myr ny drogh figgyn, nagh vel son ee, t’ad cha olk shen; (son shickyrys myr shoh ta’n Chiarn dy ghra,) Myr shen livrey-yms Zedekiah ree Yudah, as e phrinceyn, as fooilliagh Yerusalem ta faagit ’sy cheer shoh, as adsyn ta cummal ayns cheer Egypt;

Jeremiah 38:19

As dooyrt Zedekiah yn ree rish Jeremiah, Ta aggle orrym jeh ny Hewnyn ta er duittym lesh ny Caldeanee, dy jean ad m’y livrey gys y laue oc, as dy jean ad m’y oltooan.

Jeremiah 40:1

Shoh myr haghyr eh da Jeremiah veih’n Chiarn, erreish da Nebuzaradan captan y ghard v’er lhiggey yn raad da veih Ramah, tra v’eh er ghoaill eh ayns geulaghyn mâroosyn ooilley hie ersooyl nyn gappeeyn veih Jerusalem as veih Judah, gys Babylon.

Jeremiah 40:7

Nish tra cheayll ooilley ny captanyn va fud y vagheragh, eer ad-hene as nyn gheiney, dy row ree Vabylon er n’yannoo Gedaliah mac Ahikam ny chiannoort er y cheer, as er choyrt fo e churrym deiney, as mraane, as cloan, as boghtyn ny cheerey, nagh row er n’gholl ersooyl nyn gappeeyn gys Babylon;

Jeremiah 52:26

Myr shoh ghow Nebuzaradan captan y ghard ad, as hug eh lesh ad gys ree Vabylon ec Riblah.

Jeremiah 52:27

As woaill ree Vabylon ad, as hug eh ad gy-baase ec Riblah, ayns cheer Hamath. As shoh myr hie Judah ersooyl nyn gappeeyn ass y cheer oc hene.

Daniel 2:14

Eisht dreggyr Daniel, lesh coyrle as creenaght, rish Arioch ard-arreyder y ree, va er n’gholl magh dy varroo deiney-creeney Vabylon.

Leviticus 26:33

As nee’m nyn skeayley fud ny ashoonyn-quaagh, as y cliwe y hayrn nyn yeï: as bee’n cheer eu treigit, as nyn ard-valjyn follym-faase.

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.