Jeremiah 39:8 - Yn Vible Casherick 1775 1819

⁸ As losht ny Caldeanee plaase y ree, as thieyn y phobble lesh aile, as lhieg ad voallaghyn Yerusalem.

Jeremiah 39:8 ပူးပေါင်းရင်းမြစ်များ

2 Reeaghyn 25:8

As ayns y wheiggoo vee, er y chiaghtoo laa jeh’n vee, (ta shen yn nuyoo vleïn jeig jeh ree Nebuchadnezzar ree Vabylon,) haink Nebuzaradan, captan y ghard, sharvaant ree Vabylon, gys Jerusalem:

2 Recortyssyn 36:19

As losht ad thie Yee, as vrish ad sheese voalley Yerusalem, as losht ad ooilley e phlaaseyn lesh aile, as spooill ad ooilley ny siyn aalin.

Nehemiah 1:3

As dooyrt ad rhym, Ta’n sluight t’er-mayrn jeh’n chappeeys ’sy rheam ayns seaghyn trome, as ayns faghid: ta voalley Yerusalem myrgeddin brisht sheese, as ny giattyn eck losht lesh aile.

Psalmyn 79:7

Son t’ad er choyrt mow Jacob: as er choyrt naardey e ynnyd-vaghee.

Isaiah 5:9

Ayns my chlashtyn’s dooyrt Chiarn ny flaunyssee, Son shickyrys bee ymmodee thieyn treigit, eer thieyn mooar as aalin gyn cummaltagh.

Jeremiah 17:27

Agh mannagh n’eaisht shiu rhym dy reayll yn doonaght casherick, as gyn laad y ymmyrkey, eer goll stiagh er giattyn Yerusalem er y doonaght; eisht neem’s aile y oaddey ayns ny giattyn eck; as nee eh plaaseyn Yerusalem y stroie, as cha bee eh er ny vooghey.

Jeremiah 21:10

Son ta mee er hoiaghey m’eddin noi’n ard-valley shoh, son olk, as cha nee son mie, ta’n Chiarn dy ghra; bee eh er ny livrey gys laue ree Vabylon, as loshtee eshyn eh lesh aile.

Jeremiah 32:29

As hig ny Caldeanee ta caggey noi yn ard-valley shoh, as ver ad aile ayns yn ard-valley shoh, as loshtee ad eh, marish ny thieyn er ny mulleeyn oc t’ad er hebbal incense da Baal, as er gheayrtey magh ourallyn-feeyney gys jeeghyn joarree, dy vrasnaghey my yymmoose.

Jeremiah 34:2

Myr shoh ta’n Chiarn, Jee Israel, dy ghra, Immee as loayr rish Zedekiah ree Yudah, as insh da; Myr shoh ta’n Chiarn gra, Cur-my-ner, ver-yms yn ard-valley shoh gys laue ree Vabylon, as nee eh lostey eh lesh aile.

Jeremiah 34:22

Cur-my-ner, ver-yms magh sarey, ta’n Chiarn dy ghra, dauesyn dy hyndaa reesht noi’n ard-valley shoh; as nee ad caggey rish, as goaill eh, as lostey lesh aile eh: as ver-ym er ard-valjyn Yudah dy ve ny hraartys gyn cummaltagh faagit ayn.

Jeremiah 37:10

Son ga dy beagh shiu er woalley slane armee ny Caldeanee ta caggey nyn ’oï, as nagh beagh faagit jeu agh deiney lhottit; ny-yeih yinnagh eer ad shen girree seose dagh dooinney ayns e chabbane, as loshtagh ad yn ard-valley shoh lesh aile.

Jeremiah 38:18

Agh mannagh jeu magh gys princeyn ree Vabylon, eisht bee yn ard-valley shoh livreït seose gys laue ny Caldeanee, as loshtee ad eh lesh aile, as cha jean oo scapail ass y laue oc.

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Dobberan 1:10

Ta’n noid er skeayley magh e laue er ooilley’n chooid aalin eck: son t’ee er vakin dy vel ny ashoonee er n’gholl stiagh er yn ynnyd casherick eck, adsyn t’ou er churmal nagh darragh ad stiagh ayns dty agglish.

Dobberan 2:2

Ta’n Chiarn er lhuggey seose ooilley cummaltee Yacob, cha row chymmey echey orroo: t’eh er cheau sheese ayns e eulys cashtallyn lajer inneen Yudah: t’eh er lhieggal ad kiart rish y thalloo: t’eh er n’yiooldey veih yn reeriaght as ny princeyn eck.

Dobberan 2:7

Ta’n Chiarn er n’yiooldey rish e altar: t’eh er chur dwoaie da e hiamble casherick: t’eh er livrey gys laue y noid voallaghyn ny plaaseyn eck; t’ad er hroggal seose nyn goraa ayns thie’n Chiarn, myr ayns laa’n feailley casherick.

Ezekiel 16:41

As nee ad dty hieyn y lostey lesh aile, as briwnyssyn y chooilleeney ort’s ayns shilley ymmodee mraane: as ver-yms ort’s dy scuirr veih dty vaarderys, as cha der uss myrgeddin faill erbee arragh.

Ezekiel 23:47

As nee yn cheshaght ad y chlaghey lesh claghyn, as stroie ad lesh nyn gliwenyn, nee ad ny mec as ny inneenyn oc y stroie, as lostey ny thieyn oc lesh aile.

Ezekiel 33:21

As haink eh gy-kione ayns y nah vleïn jeig jeh’n chappeeys ain, ayns y jeihoo vee, er y wheiggoo laa jeh’n vee, dy daink fer, v’er scapail ass Jerusalem, hym’s, gra, Ta’n ard-valley goit.

Amos 2:5

Agh ver-ym aile er Judah, as nee eh stroie plaaseyn Yerusalem.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.