Jeremiah 39:7 - Yn Vible Casherick 1775 1819

⁷ Ny-sodjey, hug eh sooillyn Zedekiah ass, as hug eh ayns geulaghyn eh, dy chur lesh eh gys Babylon.

Jeremiah 39:7 ပူးပေါင်းရင်းမြစ်များ

2 Reeaghyn 25:7

As varr ad mec Zedekiah roish e hooillyn, as hug ad ny sooillyn ass Zedekiah, as chiangle ad eh lesh geulaghyn prashey, as hug ad lhieu eh gys Babylon.

Psalmyn 119:8

Freill-ym dty oardaghyn: O ny treig mee dy bollagh.

Jeremiah 20:4

Son myr shoh ta’n Chiarn dy ghra, Cur-my-ner, neem’s uss y yannoo dty atchim dhyt hene, as da ooilley dty chaarjyn, as tuittee ad liorish cliwe nyn noidyn, as ver dty hooillyn my-ner eh: as livrey-ym ooilley Judah gys laue ree Vabylon, as ver eh lesh ad ayns cappeeys gys Babylon, as stroie-ee eh ad lesh y chliwe.

Jeremiah 34:3

As cha jean oo scapail ass y laue echey, agh bee oo dy shickyr goit, as livreït gys e laue; as nee dty hooillyn’s fakin sooillyn ree Vabylon, as loayree eh rhyt beeal ry beeal, as hed oo gys Babylon.

Jeremiah 44:30

Shoh myr ta’n Chiarn dy ghra, Cur-my-ner, ver-yms Pharaoh-hophra ree Egypt gys laue e noidyn, as gys y laue ocsyn ta shirrey e vioys, myr hug mee Zedekiah ree Yudah gys laue Nebuchadrezzar ree Vabylon, yn noid echeysyn va shirrey e vioys.

Jeremiah 52:11

Eisht hug eh ny sooillyn ass Zedekiah; as chiangle ree Vabylon eh lesh geulaghyn, as hug eh lesh eh gys Babylon, as hug eh ayns pryssoon eh derrey laa e vaaish.

Ezekiel 12:13

My lieen myrgeddin neem’s skeayley ersyn, as bee eh goit ayns my ribbey; as ver-ym lhiam eh gys Babylon, cheer ny Caldeanee, ny-yeih cha jean eh fakin eh, ga dy vow eh baase ayns shen.

Briwnyn 16:21

As ghow ny Philistinee eh, as chur ad e hooillyn ass, as hug ad lhieu eh sheese gys Gaza, as chiangle ad eh lesh geulaghyn prash, as hug ad er blieh ayns thie yn phryssoon.